लोकतन्त्र जान्छ रे, अनि आउँछ के त?: प्रधानमन्त्री ओली
सारांश
- काठमाडाै, १५ असार ।
- प्रधानमन्त्री केपी शर्मा ओलीले देशमा अधिनायकवाद ल्याउन खोजेको हल्ला फैलाइएको गुनासो गरेका छन्।
- प्रतिनिधिसभाको बैठकमा विनियोजन विधेयकको छलफलमा उठेका प्रश्नमाथि जवाफ दिँदै प्रम ओलीले यस्तो गुनासो गरेका हुन्।
काठमाडाै, १५ असार । प्रधानमन्त्री केपी शर्मा ओलीले देशमा अधिनायकवाद ल्याउन खोजेको हल्ला फैलाइएको गुनासो गरेका छन्।
प्रतिनिधिसभाको बैठकमा विनियोजन विधेयकको छलफलमा उठेका प्रश्नमाथि जवाफ दिँदै प्रम ओलीले यस्तो गुनासो गरेका हुन्।
प्रधानमन्त्री केपी शर्मा ओलीले अस्थिरता ल्याउन चाहनेहरुले अधिनायकवादको हल्ला फिँजाइरहेको बताएका छन्। संसदमा अोलीले भने,‘लोकतन्त्र जान्छ रे, अनि आउँछ के त?
अोलीले‘आज देशलाई आशावाद चाहिएको र आफुहरुले लोकतन्त्रलाई सुदृढ गर्न सक्ने देश बनाउन सक्ने आशा लिएको बताए। प्रभावकारी नभएपछि योजना आयोगको पुर्नगठन भएको प्रधानमन्त्री ओलीले बताए। प्रधानमन्त्री कार्यालय दह्रोगरी अनुगमन गर्ने र कदम चाल्ने मुडमा रहेको समेत ओलीले जानकारी दिए।
प्रधानमन्त्री तथा मन्त्रिपरिषद् कार्यालयको विनियोजित बजेटमाथि उठेका प्रश्नहरुको जवाफ दिँदै ओलीले राजश्व अनुसन्धान, राष्ट्रिय अनुसन्धान लगायतका निकायलाई प्रभावकारी बनाउन प्रधानमन्त्री कार्यालय मातहत ल्याइएको समेत जानकारी दिए।
लोकतन्त्र कसैले किस्तीमा सजाएर नदिएको भन्दै प्रम ओलीले चालिस पचास वर्षदेखि लागेका घाउका खतहरुअझै रहेको बताए। ओलीले भने, ‘केटाकेटीलाई हाउगुजी देखाए जस्तो लोकतन्त्र जान्छ भनिएको छ।’
प्रतिक्रिया
Bisweswar Pandeya
Aaba dherai nabolnus tapai.