नेपाल–पोर्चुगल परामर्श संयन्त्र सम्झौतापत्रमा हस्ताक्षर
सारांश
- पोर्चुगल ।
- युरोप भ्रमणमा रहेका परराष्ट्रमन्त्री प्रदीप ज्ञवालीले नेपाल–पोर्चुगल परामर्श संयन्त्र सम्झौता पत्रमा हस्ताक्षर गरेका छन् ।
- बुधबार पोर्चुगलका समकक्षी अबस्टो सान्टोस सिल्भासँग भेटवार्ता गर्ने क्रममा सो सम्झौता भएको परराष्ट्रमन्त्री ज्ञवालीले जानकारी दिए ।
पोर्चुगल । युरोप भ्रमणमा रहेका परराष्ट्रमन्त्री प्रदीप ज्ञवालीले नेपाल–पोर्चुगल परामर्श संयन्त्र सम्झौता पत्रमा हस्ताक्षर गरेका छन् । बुधबार पोर्चुगलका समकक्षी अबस्टो सान्टोस सिल्भासँग भेटवार्ता गर्ने क्रममा सो सम्झौता भएको परराष्ट्रमन्त्री ज्ञवालीले जानकारी दिए ।
त्यस अवसरमा परराष्ट्रमन्त्री ज्ञवालीले सिल्भालाई नेपाल भ्रमणको निम्तो समेत दिएका छन् । युरोपेली मुलुक पोर्चुगलका उच्च अधिकारीहरुसँगको भेटघाटपछि उनले मानव तस्करहरुको शिकार हुनबाट नेपालीलाई जोगाउनु पर्ने समेत बताएका थिए ।
तस्करहरुले सोझासाझा नेपालीहरुको गरिबी र अज्ञानताबाट फाइदा लिइरहेको भन्दै मन्त्री ज्ञवालीले नेपाल र पोर्चुगल मिलेर मानव तस्करी रोक्नुपर्ने औंल्याएका थिए । मानव तस्करी रोक्ने सरकारको प्रयासमा प्रवासमा रहेका एनआरएनलगायत नेपाली संघ–संगठनले पनि खबरदारी गर्नुपर्ने मन्त्री ज्ञवालीको भनाइ छ । उनी लक्जम्वर्गमा आइतबार शुरु हुने एनआरएनको युरोपेली बैठकको उदघाटनमा सहभागी हुने कार्यक्रम रहेको छ ।
प्रतिक्रिया