बेगनास तालमा ६ जनाको शव भेटियाे!

जिल्ला प्रहरी कार्यालयका प्रवक्ता, डिएसपी रवीन्द्रमान गुरुङले पहिलो शव पौने १० बजे र अन्तिम शव मध्याह्न १२ बजे भेटिएको जानकारी दिए।

घटनालगत्तै उद्धार गरिएका चार जनामध्ये उपचारका क्रममा दुई जनाको शनिबारै मृत्यु भएको थियो । डिएसपी गुरुङका अनुसार पोखरा उपमहानगरपालिका-२८ की कृष्णकुमारी बजगाईं र तनहुँ भिमादकी जानुका गैरेको मृत्यु भएको हो। दुर्घटनामा परेका सरला खनाल र निशा पौडेल उपचारपछि घर फर्किएको प्रहरीले जनाएको छ। दुर्घटनाको एकिन कारण खुलेको छैन। डिएसपी गुरुङले भने, ‘बच्चाहरू आपसमा चल्दा दुर्घटना भएको पनि अनुमान छ भने डुंगामा पानी पसेर डुंगा डुबेको हो भन्ने आशंका पनि गरिएको छ।’

प्रहरीका अनुसार डुंगा सयर गर्दा लाइफ ज्याकेट लाउनुपर्ने भए पनि उनीहरूले लगाएका थिएनन्। लाइफ ज्याकेटले पानीमा डुब्नबाट बचाउने काम गर्छ। ‘तर, पारिवारीक जमघट भएकाले उनीहरूले लाइफ ज्याकेट पनि लगाएको देखिएन,’ डिएसपी गुरुङले भने।