सामाजिक सञ्जालमा ‘ठग्स अफ हिन्दोस्तान’को मजाक

चलचित्र रिलिज हुनुभन्दा अघि यसको ठूलो क्रेज थियो । तर, रिलिज भएपछि सामालोचकहरुले चलचित्रको राम्रो रिभ्यु दिएका छैनन् । दोस्रोतर्फ सामाजिक सञ्जालमा पनि दर्शकहरुले चलचित्रको खिल्ली उडाउन शुरु गरेका छन् । कयौँले चलचित्रलाई अल्छीलाग्दो, वाहियात र फ्लप रहेको बताइरहेका छन् ।  योसँगै चलचित्रबारे मिम्स र चुटकिला यतिबेला भाइरल बनेका छन् ।

शाहरुख खानको जिरो पोस्टरलाई शेयर गर्दै एक सामाजिक सञ्जाल प्रयोगकर्ताले चलचित्रलाई ‘जिरो’ रेटिङ दिएका छन् ।त्यस्तै, चलचित्रलाई २० मिनेट हेरेपछि एक दर्शकले आलिया भट्टको चलचित्र राजीको एक भिडियो सेयर गर्दै आफ्नो प्रतिक्रिया दिएका छन् । त्यसमा आलिया रुँदै गरेको देखिन्छ ।

रेस ३ भन्दा खत्तम

केआरकेले ठग्स अफ हिन्दोस्तानको सार्वजनिक प्रतिक्रियाहरु सेयर गरेका छन् । यसमा एक प्रयोगकर्ताले लेखेका छन्, ‘चलचित्रको पहिलो हाफ बेकार छ । स्क्रीनप्ले सुस्त छ । कथा बेकार छ । म थिएटरमा छु र ट्वीटर चलाइरहेको छु । यसबाट नै तपाईं अनुमान गर्न सक्नुहुन्छ चलचित्र कस्तो छ । योभन्दा राम्रो छ रेस–३ थियो । सलमानको रेस ३ लाई आइएमडीबी वेबसाइटले विश्वको १०० घटिया चलचित्रको सूचीमा सामेल गरेको थियो ।दर्शकले चलचित्र हेरेपछि अमिरको चलचित्र पीकेको एक डायलग सेयर गरेका छन् । जसमा अमिर भन्छन्, ‘मलाई घर जानु छ भगवान, तपाईं जे भन्नु हुन्छ म त्यही गर्छु । बस मलाई घर पुर्याइदिनु ।’ एक मीममा सेक्युरिटी गार्ड दर्शकलाई इन्टरभरको दौरान अमिताभको शो कौन बनेगा करोडपतिको डायलग बोलिरहेका छन् – तपाईं चहानुहुन्छ भने तपाईं छाड्न सक्नुहुन्छ ।

अर्को एक मिममा तपाईंले चलचित्रको साँझको टिकट बुक गर्नु भएको छ भने अमिताभको डायलग उचित छ – आज साँझ ६ बजे आफ्नो मृत्युसँग अप्वाइन्टमेन्ट छ ।