अष्ट्रेलियामा बिएमडब्लु क्रिकेट कप सगरमाथा क्लबलाई !

मेलबर्न, अष्ट्रेलिया, १५ कात्तिक । अस्ट्रेलियाको मेलबर्नमा सम्पन्न बिएम डब्लु कप क्रिकेटकाे उपाधी सगरमाथा क्लबले जितेकाे छ । राेयल राइनाेजलाई राेमाञ्चक खेलमा ३ रनले हराउँदै सगरमाथाले उपाधी जितेकाे हाे । १ सय २८ रनकाे लक्ष्य पछ्याएकाे राइनाेजले निर्धारित २० अाेभरमा १ सय २४ रनमात्र बनाउन सकेकाे थियाे । उपाधीसँगै सगरमाथा क्लबले २ हजार डलर पनि हात पारेकाे छ ।

प्रतियोगितामा मात्र १६ रन खर्चेर ४ विकेट लिन सफल रोयल राईनोज क्रिकेट क्लबका पुकार भण्डारी म्यान अफ द म्याच घोषित भए । प्रतियोगिताको वेष्ट व्याट्सम्यान एक्सपर्ट क्रिकेट क्लबका क्याप्टेन सुनम गौतम बन्न सफल भए भने बेष्ट बलर सुनोद श्रेष्ठ, बेष्ट फिल्डर निरज श्रेष्ठ, बेष्ट विकेटकिपर आशिष जिसी, म्यान अफ द सिरिज चाँद श्रेष्ठ, क्याच अफ द टुर्नामेन्ट नारेकिंग्सका शिशिर घोषित भएका थिए ।

रोयल राईनोज क्रिकेट क्लब आयोजक रहेको यो प्रतियोगिताको प्रायोजन बिएमडव्लु एजुकेसन एण्ड भिसा सर्भिसेजले गरेको थियो । त्यस्तै भिक्टोरियन नेप्लिज क्रिकेट एशोशियसनको सहयोगमा भिक्टोरियन नेप्लीज क्रिकेट एशोसिएसनले व्यबस्थापन गरेको थियो ।

अाप्रवासी नेपाली खेलाडिहरुलाई प्रोत्साहित गर्ने अभिप्रायले सेप्टेम्बर ९ बाट शुरु भएकाे प्रतियाेगिता करिब दुई महिना चलेकाे थियाे । प्रमुख अतिथिको रुपमा भिक्टोरियाका लागि नेपाली अवैतनिक महावाणिज्यदूत चन्द्र योञ्जनले खेलको माध्यमबाट समुदायलाई एकताबद्ध गर्नुका साथै आफ्नै स्वास्थ्यको लागि समेत लाभदायक हुने भएकोले यसतर्फ सबैलाई प्रोत्साहित गरिनुपर्ने धारणा राखेका थिए । बिएमडब्लू मेलबर्नका निर्देशक विष्णु सापकोटाले क्रिकेट खेललाई पेशा बनाउँदै यहाँको प्रतिष्ठित प्रतियोगिताहरुमा समेत नेपाली खेलाडी पुग्न सकुन् भन्ने शुभकामना दिए ।