अाइपिएलमा सबैभन्दा कान्छा मुजिब, तेस्राेमा सन्दिप

काठमाडौं, १४ माघ । नेपालका युवा स्पिनर सन्दिप लामिछाने इन्डियन प्रिमियर लिग(आईपिएल)को आगामी संस्करणमा सहभागी हुने सबैभन्दा कम उमेरको खेलाडीमा तेस्रो नम्बरमा छन् ।

दिल्ली डेयर डेभिल्सले २० लाख भारतिय रुपैयाँमा आबद्ध गरेका सन्दिप आईपिएलमा छनोट हुने पहिलो नेपाली क्रिकेटर हुन्। आइतबारको मितीमा सन्दिपको उमेर १७ वर्ष एक सय ७९ दिन हो ।

सबैभन्दा कम उमेरका खेलाडी अफगानिस्तानका मुजिब जद्रान हुन्। चर्चित क्रिकेट समाचार पाेर्टल क्रिकइन्फाेमा अाइपिएलकाे अागामी स‍‌स्करणमा सहभागी हुने खेलाडीकाे उल्लेख भएकाे उमेरलाइ हेर्दा सबैभन्दा कम उमेरकाे खेलाडीमा मुजिब पहिलाे र सन्दिप तेस्राे नम्बरमा देखिएका हुन्।

किंग्स इलेभेन पन्जाबले आबद्ध गरेका दायाँ हाते अफब्रेक स्पिनर मुजिबको उमेर १६ वर्ष तीन सय ६ दिन रहेको छ । दिल्लीमै आबद्ध भएका अभिशेक शर्माको उमेर १७ वर्ष एक सय ४६ दिन रहेको छ ।
यी तीनै जना खेलाडी पहिलो पटक आईपिएलमा छनोट भएका हुन् । केही महिना अघि सम्पन्न एसिसी यु–१९ एसिया कपमा यी तीनै जना खेलाडीले खेलेका थिए ।