आज इकोनमिक समिट
सारांश
- काठमाडौँ, २४ पुस ।
- दिगो आर्थिक विकासका लागि आगामी कार्य्दिशा पहिल्याउने उद्देश्यले ‘कान्तिपुर इकोनमिक समिट–२०२०’ आज बिहीबार आयोजना हुँदै छ ।
- काठमाडौंको सोल्टी क्राउन प्लाजामा बिहान साढे १० देखि साँझ साढे ५ बजेसम्म आयोजना हुने समिटमा नेपाली अर्थतन्त्रसँग जोडिएका विभिन्न चार विषयमाथि वक्ताहरूले आफ्ना धारणा राख्नेछन् ।
काठमाडौँ, २४ पुस । दिगो आर्थिक विकासका लागि आगामी कार्य्दिशा पहिल्याउने उद्देश्यले ‘कान्तिपुर इकोनमिक समिट–२०२०’ आज बिहीबार आयोजना हुँदै छ । काठमाडौंको सोल्टी क्राउन प्लाजामा बिहान साढे १० देखि साँझ साढे ५ बजेसम्म आयोजना हुने समिटमा नेपाली अर्थतन्त्रसँग जोडिएका विभिन्न चार विषयमाथि वक्ताहरूले आफ्ना धारणा राख्नेछन् ।
उद्योगी, व्यवसायी, विज्ञ, सरकारी अधिकारी र राजनीतिज्ञहरूको सहभागिता रहने समिटमा राष्ट्रिय योजना आयोगका पूर्वउपाध्यक्ष एवं योजनाविद् पीताम्बर शर्माले मुख्य वक्ताका रूपमा नेपाली आर्थिक विकासका सम्भावना, चुनौती र यथार्थको सेरोफेरोमा रहेर सम्बोधन गर्नेछन् । पहिलो सत्रमा पूर्वाधार विकाससम्बन्धी मुद्दामाथि छलफल गरिनेछ । पूर्वाधार विकासको विद्यमान अवस्था, यसमा हुने ढिलाइ, ठूला परियोजना निर्माणमा देखापरेका अप्ठ्यारा, लगानीका सम्भाव्य स्रोतलगायत विषयमा चर्चा हुनेछ । उक्त सत्रमा योजना आयोगका पूर्वउपाध्यक्ष स्वर्णिम वाग्ले, प्रधानमन्त्रीका प्रमुख सल्लाहकार विष्णु रिमाल, पूर्वअर्थसचिव रामेश्वर खनाल र उद्योग सचिव यामकुमारी खतिवडाले भाग लिने तय भएको छ ।
‘निजी क्षेत्रको मनोबल’ शीर्षकको दोस्रो सत्रमा निजी क्षेत्रले भोगिरहेका समस्या र सरकारको भूमिकाका सम्बन्धमा छलफल हुनेछ । त्यसमा पूर्वअर्थमन्त्री तथा सत्तारूढ नेकपाका महासचिव विष्णु पौडेल, उद्योगी एवं सांसद विनोद चौधरी, राजस्व सचिव शिशिर ढुंगाना र नेपाल–भारत उद्योग वाणिज्य संघकी अध्यक्ष सिर्जना राणा सहभागी हुनेछन् ।
कान्तिपुर दैनिकबाट
प्रतिक्रिया