उपप्रधान एंव परराष्ट्रमन्त्री महरासँग पाकिस्तानी राजदूतको शिष्टाचार भेट
सारांश
- काठमाडौँ, १४ भदौ ।
- उपप्रधान एंव परराष्ट्रमन्त्री कृष्णबहादुर महरासँग नेपालका लागि पाकिस्तानी राजदूत मजहर जावेदले आज परराष्ट्र मन्त्रालयमा शिष्टाचार भेट गर्नुभएको छ ।
- भेटमा उहाँहरुबीच द्विपक्षीय सम्बन्ध, आपसी हित र सहयोगका विषयमा छलफल भएको छ ।
काठमाडौँ, १४ भदौ । उपप्रधान एंव परराष्ट्रमन्त्री कृष्णबहादुर महरासँग नेपालका लागि पाकिस्तानी राजदूत मजहर जावेदले आज परराष्ट्र मन्त्रालयमा शिष्टाचार भेट गर्नुभएको छ ।
भेटमा उहाँहरुबीच द्विपक्षीय सम्बन्ध, आपसी हित र सहयोगका विषयमा छलफल भएको छ ।
सो अवसरमा परराष्ट्रमन्त्री महराले दुई देशबीच हवाई मार्ग जोडिनुपर्ने उल्लेख गर्दै त्यसका लागि दुबै पक्षले पहल गर्नुपर्ने बताउनुभयो ।
द्विपक्षीय परामर्श संयन्त्रमार्फत आपसी सहयोग र सम्बन्धलाई अझ प्रगाढ बनाउन सकिने बताउँदै उहाँले उक्त संयन्त्रको बैठकलाई नियमितता दिनुपर्ने धारणा व्यक्त गर्नुभयो ।
उपप्रधानमन्त्री महराले पाकिस्तानसँग नेपालको सधैँ सुमधुर सम्बन्ध रहिआएको चर्चा गर्दै यसलाई अझ उचाइमा पु¥याउनुपर्ने बताउनुभयो ।
भेटमा राजदूत जावेदले पाकिस्तान र नेपालबीच हवाई मार्ग सञ्चालनमा ल्याउने विषयलाई आफ्नो सरकारसमक्ष प्राथमिकतासाथ राख्ने बताउँदै आपसी सहयोग र द्विपक्षीय हितका विषयलाई अझ सवल बनाएर .लैजानुपर्नेमा जोड दिनुभयो ।
प्रतिक्रिया