एनआरएनए आईसीसीको सह-कोषाध्यक्षमा ददीवल खड्काको सम्भावना बलियो

जापान । गैरआवासीय नेपाली संघ (एनआरएनए) आईसीसीको सह–कोषाध्यक्षमा जापानबाटबाट ददीवल खड्काले उम्मेदवारी दिने घोषणा गरेका छन् । समाजसेवी तथा सफल व्यवसायी खड्काको उम्मेद्वारी घोषणासँगै जित्ने सम्भावना बलियो भएको छ ।

वर्तमान एसिया प्यासिफिक उप–संयोजक खड्काले आगामी कार्यकाल (२०२३–०२५)को लागि आईसीसीको सह–कोषाध्यक्षमा उम्मेदवारी दिने घोषणा गरेसँगै व्यापक सहयोग समेत जुटेको छ। जापानमा सफल व्यवसायीको रूपमा परिचित सहयोगी मनका उनले निःस्वार्थ सेवाको प्रतिबद्धतासहित उम्मेदवारी दिने घोषणा गरेको जानकारी दिए।

जापानको मुख्य शहरहरुमा रेष्टुरेण्ट लगायतका व्यवसाय गरिरहेका खड्काले एनआरएनए आईसीसी सह–कोषाध्यक्ष पदमा उम्मेदवारी दिने घोषणासँगै एशिया, यूरोप, अमेरिका, मध्यपूर्व लगायत मुलुकका एनआरएनए अभियन्ताहरुलाई सहयोग गर्न अपिल गरेका छन्।

एनआरएनए आईसीसी सदस्य, एसियाको डीआरसी हुँदै मोना जापानको सल्लाहकार हाल मोना आईसीसीको वरिष्ठ उपाध्यक्ष, नेपाली व्यवसायी संघ जापानको वरिष्ठ उपाध्यक्ष लगायत जापानका विभिन्न संघ–संस्थामा आवद्ध खड्काले सामाजिक कार्यको लागि जापानका नेपाली संघ–संस्थाका कार्यक्रमहरु र मातृभूमिमा गरीबको लागि घर निर्माण देखी विद्यालयमा सहयोग गर्दै आएका छन् ।