एमाले-माओवादी एकता: ४ सय सदस्यीय केन्द्रीय समिति बनाउने कसरत
सारांश
- काठमाडौं, २० वैशाख – नेकपा एमाले र नेकपा माओवादी केन्द्र वीच मिलाएर नेपाल कम्युनिष्ट पार्टी बनाउँदा करीव चार सय सदस्य केन्द्रीय समिति बनाउने कसरतमा नेताहरु जुटेका छन् ।
- माओवादी केन्द्रका अध्यक्ष प्रचण्डले आफनो पार्टीको ७७ सदस्यीय केन्द्रीय सचिवालयलाई विस्तार गरेर एक सय ५० देखि दुइ सय सदस्यीय बनाउने र एमालेको करीव दुई सय सदस्यीय केन्द्रीय समिति वीच पार्टी एकता हुने जानकारी सो पार्टीका नेताहरुलाई गराएका छन् ।
- यसअघि रामबहादुर थापा नेतृत्वको कार्यदलले दुई सय ९९ सदस्यीय केन्द्रीय समिति बनाउन प्रस्ताव गरेको थियो ।
काठमाडौं, २० वैशाख – नेकपा एमाले र नेकपा माओवादी केन्द्र वीच मिलाएर नेपाल कम्युनिष्ट पार्टी बनाउँदा करीव चार सय सदस्य केन्द्रीय समिति बनाउने कसरतमा नेताहरु जुटेका छन् ।
माओवादी केन्द्रका अध्यक्ष प्रचण्डले आफनो पार्टीको ७७ सदस्यीय केन्द्रीय सचिवालयलाई विस्तार गरेर एक सय ५० देखि दुइ सय सदस्यीय बनाउने र एमालेको करीव दुई सय सदस्यीय केन्द्रीय समिति वीच पार्टी एकता हुने जानकारी सो पार्टीका नेताहरुलाई गराएका छन् ।
यसअघि रामबहादुर थापा नेतृत्वको कार्यदलले दुई सय ९९ सदस्यीय केन्द्रीय समिति बनाउन प्रस्ताव गरेको थियो । प्रधानमन्त्री तथा एमाले अध्यक्ष केपी शर्मा ओली र माओवादी केन्द्रका अध्यक्ष प्रचण्ड वीच आज केन्द्रीय समितिको संख्याको बारेमा छलफल हुने कार्यक्रम छ ।
केन्द्रीय समितिको संख्यामा सहमति जुटेको अवस्थामा माक्र्सको २०० औ जन्मजयन्तीको अवसर पारेर मइ ५ शनिवारसम्म पार्टी एकताको मिति घोषणा गर्ने तयारी भइरहेको प्रचण्डले पार्टीका सचिवालय सदस्यहरुलाई जानकारी गराएका छन् । ओली र प्रचण्ड पार्टीको मार्गनिर्देशक सिद्धान्त माक्र्सवाद,लेनिनवाद बनाउन सहमत भएका छन ।
एमालेको जनताको बहुदलीय जनवाद र माओवादी केन्द्रको २१ औ शताब्दीको जनवादलाई महाधिवेशनमा लगेर टुंग्याउनेमा पनि दुवै नेताहरु सहमत भएका छन् ।
प्रतिक्रिया