एसएसपी लोहनीलाई साधारण तारेखमा छाड्न उच्च अदालतको आदेश

विराटनगर २९,भदौ। उच्च अदालत विराटनगर ले साढे ३३ किलो सुन प्रकरणका आरोपी एसएसपी दिवेश लोहनीलाई साधारण तारेखमा रिहा गर्न उच्च अदालतले आदेश दिएको छ।उच्च अदालत विराटनगरले शुक्रबार लोहनीलाई साधारण तारेखमा राखी मुद्दाको पुर्पक्ष गर्न आदेश दिएको रजिष्ट्रार नारायण रेग्मीले बताए।

उच्च अदालतले एसएसपी लोहनीलाई प्रहरी ऐन अनुसार कारबाही गरे पुग्नेमा जघन्य अपराधको मुद्दामा जेल हालिएको ठहर गरेकाे छ। न्यायाधीशद्वय नागेन्द्र लाभ कर्ण र सारङ्गा सुवेदीको सयुक्त इजलाशले उनलाई तारेखमा छोड्न  आदेश दिएको हो।३३ किलो सुन तस्करीको अनुसन्धान गर्न बनेको उच्चस्तरीय समितिले एसएसपी लोहनीलाई गत बैसाख १८ गते पक्राउ गरेको थियो।

लाेहनीलाई सुन तस्करी र सनम शाक्य हत्या प्रकरणमा गत जेठ ८ गते पुर्पक्षका लागि जेल चलान गरिएको थियो उनको बयानपछि मोरङ जिल्ला अदालतले उनलाई थुनछेक आदेश गर्दै  जेल चलानको आदेश दिएको थियो।