ओली निवास बालकोट पुगे भारतीय राजदूत मन्जिव सिंह पुरी
सारांश
- काठमाडौं ।
- प्रमुख विपक्षी नेकपा एमालेका अध्यक्ष केपी शर्मा ओली र नेपालका लागि भारतीय राजदूत मन्जिव सिंह पुरीबीच भेटवार्ता भएको छ ।
- भारतको ७० औं स्वतन्त्रता दिवसका अवसरमा काठमाडौंस्थित दूताबासमा हुने समारोहको विशेष अतिथिको निम्तो दिन राजदूत पुरी बुधबार अपरान्ह ओली निवास पुगेका थिए ।
काठमाडौं । प्रमुख विपक्षी नेकपा एमालेका अध्यक्ष केपी शर्मा ओली र नेपालका लागि भारतीय राजदूत मन्जिव सिंह पुरीबीच भेटवार्ता भएको छ ।
भारतको ७० औं स्वतन्त्रता दिवसका अवसरमा काठमाडौंस्थित दूताबासमा हुने समारोहको विशेष अतिथिको निम्तो दिन राजदूत पुरी बुधबार अपरान्ह ओली निवास पुगेका थिए । उक्त समारोहमा विदेशमन्त्री स्वराज पनि आउने र उनले ओलीको उपस्थिति भइदिए हुन्थ्यो भन्ने शन्देश पठाएको पुरीले बताए ।
मृगौला प्रत्यारोपणपछि स्वराजको पहिलो सार्वजनिक कार्यक्रम काठमाडौंमा आयोजना हुन लागेको पुरीले बताए । उनले ओलीको उपस्थितिका लागि जोड गरेको स्रोतले जनाएको छ ।
नाकाबन्दीपछि ओली काठमाडौंस्थित भारतीय दूतावासको कार्यक्रमहरुमा सहभागी हुन छाडेका छन् ।
भेटमा दुई देशको सम्वन्धबारे पनि कुराकानी भएको छ । पूर्व प्रधानमन्त्री समेत रहेका ओलीले केही प्रायोजित व्यक्तिहरु नेपाल भारत सम्बन्ध बिगार्न लागि परेको बताएका छन् ।
ओलीको भनाइ उधृत गर्दै स्वकीय सचिव अनिश दाहालले भने, ‘नेपाल भारत सम्बन्ध बिगतमा पनि नराम्रो थिएन । केही केही ‘पेड’ मान्छेहरु व्यक्तिगत स्वार्थका लागि सम्बन्ध बिगार्न लागेका हुन् । धेरै छैनन्, एक दुई दर्जन मान्छे छन् ।
त्यस्ता व्यक्तिहरुका कारण सम्बन्धमा केही उतारचढाव आए पनि राजनीतिक र जनस्तरमा सम्बन्ध नबिगि्रएको ओलीले बताए । जवाफमा राजदूत पुरीले कसैले चाहेर पनि नेपाल भारत सम्बन्ध बिग्रन नसक्ने बताएका थिए ।
एमाले अध्यक्ष ओली र भारतीय राजदूत पुरीबीच चुनावी चर्चा समेत भएको बताइएको छ । पुरीले एमाले पहिलो पार्टी भएकोमा ओलीलाई बधाई समेत दिएका छन् ।
प्रतिक्रिया