गच्छदारले मागे गृहमन्त्री , मन्त्रिपरिषद् हेरफेरबारे कांग्रेसमा छलफल !

काठमाडौं । गृह मन्त्रीबाट विमलेन्द्र निधिले राजीनामा दिएपछि नजिकिँदै गरेको स्थानीय तहको निर्वाचनलाई ध्यान दिँदै कसलाई पठाउने भन्ने बारेमा कांग्रेसमा छलफल सुरू भएको छ ।

कांग्रेस उच्च स्रोतकाअनुसार सभापति शेरबहादुर देउवाले गृह मन्त्रीबाट राजीनामा गरेर निधिले धोका दिएको भन्दै गृह मन्त्रीमा तत्काल पार्टीबाट कसैलाई पठाउने कि राज्यमन्त्रीलाई नै काम चलाउ दिने भन्ने बारेमा छलफल थालेका छन् ।

गृह राज्यमन्त्रीमा इन्द्रबहादुर बानियाँ रहेका छन् ।

पहिलो चरणको निर्वाचनपछि कांग्रेस नेतृत्वमा सरकार बन्ने भएकाले अहिले राज्य मन्त्रीलाई नै जिम्मा दिन पार्टीमा केही नेताले सुझाव दिएका छन् । तर फोरम लोकतान्त्रिक पनि सरकारमा सहभागी हुने तयारी गरेकाले अहिले नै गच्छदारलाई ल्याउने कि नयाँ सरकारमा भन्ने बारेमा पनि छलफल भएको स्रोतले जानकारी दियो ।

गच्छदारलाई अहिले सरकारमा ल्याउने र पछि पार्टीमै फर्काउने रणनीति पनि कांग्रेसका केही नेताको रहेको उच्च स्रोतको दावी छ । तर अहिले पुष्पकमल दाहाल नेतृत्वको सरकारको आयु छोटो भएकाले नयाँ सरकारमा सहभागी गराउनेबारे पनि छलफल भएको स्रोतले जानकारी दियो ।
अहिले सरकारमै रहेका केही मन्त्रीलाई थप जिम्मेवारी दिने बारेमा पनि छलफल भएको छ ।

त्यसो हुँदा रमेश लेखक र बालकृष्ण खाँणमध्ये एकजनालाई गृह मन्त्रालयको पनि जिम्मा दिने बारेमा छलफल भएको सभापति देउवा निकट स्रोतले जानकारी दियो ।

तर यसबारेमा पार्टीको बैठकमा कुनै छलफल नभएको नेता रामचन्द्र पौडेल निकट स्रोतले जानकारी दियो ।

स्थानीय विकास मन्त्रालयसहित राप्रपाले सम्हालेको मन्त्रायल पनि बाँकी रहेकाले केही नेतालाई सरकारमा पठाएर चित्त बुझाउने प्रयास देउवाले गरेको स्रोतले जानकारी दियो ।

प्रधानमन्त्री कार्यालय स्रोतका अनुसार गृह मन्त्रालयमा कसलाई पठाउने या जिम्मेवारी दिने भन्ने बारेमा छिटो निर्णय गर्न प्रधानमन्त्री दाहालले