गमलामै फलाउन सकिने फल पेपिनो मेलनको नेपालमा व्यवसायिक सम्भावना
सारांश
- दक्षिण अमेरिकाबाट विश्वका अन्य भागमा फैलिएको पेपिनो मेलनको खेती नेपालमा पनि हुन थालेको छ ।
- अझै पनि धेरै नेपालीलाई नौलो लाग्ने यो फलको खेती भने व्यक्तिगतरुपमा लामो समयदेखि घरका बगैचा तथा गमलाहरुमा हुँदै आएको कृषिविज्ञहरु बताउँछन् ।
- व्यवसायिक प्रयोजनले खेती नगरिएको पेपिनो मेलन पछिल्ला केही वर्षहरुमा किसानहरुले स्वतस्फुर्तरुपमा व्यवसायिकरुपमा लगाउन थालेका छन् ।
दक्षिण अमेरिकाबाट विश्वका अन्य भागमा फैलिएको पेपिनो मेलनको खेती नेपालमा पनि हुन थालेको छ । अझै पनि धेरै नेपालीलाई नौलो लाग्ने यो फलको खेती भने व्यक्तिगतरुपमा लामो समयदेखि घरका बगैचा तथा गमलाहरुमा हुँदै आएको कृषिविज्ञहरु बताउँछन् । व्यवसायिक प्रयोजनले खेती नगरिएको पेपिनो मेलन पछिल्ला केही वर्षहरुमा किसानहरुले स्वतस्फुर्तरुपमा व्यवसायिकरुपमा लगाउन थालेका छन् ।
पेपिनो मेलनको व्यवसायिक खेतीका लागी काठमाडौँ आसपासका किसानहरु सक्रिय देखिन थालेका छन् । औषधीय गुणसमेत यो फलको अन्तराष्ट्रिय माग रहेका कारण बजारको समस्या नहुने किसान बताउँछन् । यो फल काँचोमा तरकारीको रुपमा र पाकेपछि फलको रुपमा प्रयोग गर्न सकिन्छ । पेपिनो मेलन पाकेपछि सुगन्धित, हल्का गुलियो र रसिलो हुन्छ ।
अमेरिकी पर्वतीय क्षेत्रमा उत्पत्ति भएको पेपिनो मेलन बहुवर्षीय सदावहार फल हो । पेरु, चिली र अमेरिकाको क्यालिफोर्नियामा यसको व्ययसायिक खेती गरिन्छ ।
नेपालमा यसको सम्भावना
गोलभेडा परिवारमा पर्ने पेपिनो मेलन खेतीको सम्भावना नेपालमा पनि रहेको छ । समुद्री सहतदेखि ३ हजार मिटरसम्मको उचाईमा लगाउन मिल्ने भएका कारण यो फलका लागी नेपालको भूमि उपयुक्त मानिन्छ । माटोमा ५.५ देखि ७.५ सम्मको पिएच मान भएको पानी नजम्ने र निकास राम्रो भएको बलौटो चिम्ट्याइलो माटो यो खेतीका लागि उपयुक्त हुन्छ । पेपिनो मेलोनको बोट ९० सेमि देखी १५० सेमी सम्म अग्लो हुन्छ । यो फल बर्षभरि नै फल्ने भएकाले पनि व्यवसायिकरुपमा निकै राम्रो छ । फूल लागेको २ महिनामै यो फल तयार हुन्छ ।
७ प्रतिशतसम्म चिनीको मात्रा रहने यो फलमा प्रशस्त एन्टी अक्सिडेनट, भिटामिनहरु पाइने तथा औषधीय गुणले युक्त हुने हुदा यसलाई स्वास्थ्यको दृष्टिकोणले उत्कृष्ट फल मानिन्छ । यसको स्वाद काँक्रा र खर्बुजा मिस्रित स्वाद जस्तो हुन्छ, । अलि बढि घाम लाग्ने स्थानमा फलेको पेपिनो मेलन गुलियो हुन्छ भने सेपिलो ठाउँको केही खल्लो हुन्छ । यो प्राय सबै किशिमका रोगीले खान मिल्ने यो फल मृगौला रोगीहरुका लागी एकदमै उपयुक्त मानिन्छ ।
प्रतिक्रिया