गौरीको जन्म दिनमा शाहरुख खान गायब!

बलिउड अभिनेता शाहरुख खानकी पत्नी गौरी खानले सोमबार आफ्नो ४८ औं जन्म दिन मनाइन्। गौरीले आफ्नो जन्म दिन केही साथीलाई भेला पारेर मनाएको भारतीय संचारमाध्मयले जनाएका छन्। तर, अचम्मको कुरा के छ भने जन्म दिन मनाइ रहँदा गौर रिसाएकी देखिएको छ। जन्म दिन मनाएको फोटो सार्वजनिक भएका छन् जुन फोटोमा गौरी रिसाएकी देखिएको छ। फोटोमा गौरीले कसैलाई फोनमा गाली गरिरहेकी जस्तो देखिएको छ। यद्यपी उनी किन र कोप्रति रिसाएको भन्ने पुष्टि भने हुन सकेको छैन।

गौरीको जन्म दिनको कार्यक्रममा उनका कान्छा छोरा अबराम मात्रै देखिएका छन्। गौरीको जन्म दिनमा शाहरुख खान, उनका छोरा आर्यन र छोरी सुहाना समेत थिएनन्। जन्म दिनमा गौरी खानले लामो स्कर्ट चेक सर्ट लगाएकी थिइन्। जतिबेला उनको फोटो खिचियो त्यतिबेला उनी फोनमा कसैलाई गाली गरिरहेकी थिइन्। गौरी खान शाहरुख खानकी पत्नी हुनुका साथै प्रोड्यूसर तथा इन्टिरियर डिजाइनर पनि हुन्। शाहरुख खानले आफ्नो सफलताका पछि गौरीको हात रहेको स्वीकार गरेका छन्।

शाहरुद खान र गौरी सुरुमा प्रेम गर्थे। उनीहरु विवाह गर्न चाहन्थे तर उनीहरुको धर्म फरक थियो। त्यही कारण दुवैका घर परिवारले यो विषयमा गम्भीर आपत्ति जनाए। शाहरुख खानले गौरीका परिवारलाई फकाउन निकै मेहनत गरे, अनि अन्तिममा सफल पनि भए।