जहाज उड्ने बेलामा मन्त्री यादवको पासपोर्ट हराएपछि …
सारांश
- शिखरन्युज, काठमाडौं ।
- उपप्रधानमन्त्री, स्वास्थ्य तथा जनसंख्या मन्त्री उपेन्द्र यादव शक्तिको भरमा बैंकक उडान भरेका छन् ।
- मंगलबार काठमाडौंबाट बैंककका लागि जहाज उड्न तयार थियो ।
शिखरन्युज, काठमाडौं । उपप्रधानमन्त्री, स्वास्थ्य तथा जनसंख्या मन्त्री उपेन्द्र यादव शक्तिको भरमा बैंकक उडान भरेका छन् । मंगलबार काठमाडौंबाट बैंककका लागि जहाज उड्न तयार थियो । मन्त्री यादव भने जहाज उड्नुभन्दा १० मिनेट अघिमात्र त्रिभुवन अन्तर्राष्ट्रिय विमानस्थल पुगेका थिए ।
मन्त्री यादव बैंकक जाने भनेपछि एअरपोर्ट हिड्ने बेलामा घरमा राहदानी खोज्न थालेका थिए । राहदानी घरमा नभेटिएपछि तुरुन्तै नयाँ पासपोर्ट बनाएर एअरपोर्ट पुग्दा ढिलो भैसकेको स्रोतले जनाएको छ । तुरुन्तै नयाँ पासपोर्ट बनाएर एअरपोर्ट पुग्दा प्लेन उड्ने तयारी भैसकेको थियो ।
हतारहतार राहदानी विभाग पुगेर विशेषाधिकार प्रयोग गरी रातो पासपोर्ट बनेको थियो । एअरपोर्ट पुगेर मन्त्री यादवले जसरी पनि जानुपर्ने अडानपछि ढोका बन्द गरी उड्न लागेको जहाजको ढोका र भर्याङ खोलेर चढाइएको थियो ।
हस्तलिखित बोर्डिङ पास दिएर मन्त्रीलाई चढाउन जहाजको ढोका खोल्न लगाइएको थियो । मन्त्रीका कारण प्लेन चढेर सिटमा बसेका यात्रुहरुले पौने घण्टा जति रोकिनु परेको एक यात्रुले बताए ।
प्रतिक्रिया