जुवा खालमा प्रहरीको छापा, छतबाट हाम फालेर भाग्दा २ जनाको मृत्यु, २३ पक्राउ
सारांश
- काठमाडौं ।
- काठमाडौंको मुलपानीमा जुवा खेल्दै गरेको बेला प्रहरीले छापा मार्दा २ जनाको मृत्यु भएको छ भने २३ जना पक्राउ परेका छन् ।
- गएराति प्रहरीले जुवा खेलिरहेको एक घरमा छापा मार्ने क्रममा घरको छतबाट हाम फाल्दै भाग्ने क्रममा भाग्दा २ जनाको मृत्यु भएको हो ।
काठमाडौं । काठमाडौंको मुलपानीमा जुवा खेल्दै गरेको बेला प्रहरीले छापा मार्दा २ जनाको मृत्यु भएको छ भने २३ जना पक्राउ परेका छन् ।
गएराति प्रहरीले जुवा खेलिरहेको एक घरमा छापा मार्ने क्रममा घरको छतबाट हाम फाल्दै भाग्ने क्रममा भाग्दा २ जनाको मृत्यु भएको हो । प्रहरीका अनुसार सोमलाल तामाङ र सरोज घलेको मृत्यु भएको हो ।
प्रहरी पुगेपछि घरको छतबाट भाग्ने क्रममा टिनमा ठोकिएर ती दुईजना गम्भीर घाइते भएका थिए । त्यसपछि उपचारको क्रममा ललितपुरको बिएण्डबि अस्पतालमा मृत्यु भएको प्रहरीले जनाएको छ । प्रहरीले जुवा खेलिरहेका २३ जनालाई पक्राउ गरेको छ ।
डीएसपी होबिन्द्र बोगटीको नेतृत्वमा मुलपानीको एक घरमा छापा मारिएको थियो । सादा पोशाकमा रहेका प्रहरीले छापा मार्दा जुवा खेलिरहेकाहरु भागाभाग गरेका थिए । प्रहरीले अन्य २३ जना जुवा खेलिरहेकालाई पक्राउ गरेको छ । जुवा खालबाट ४ लाखभन्दा बढीको नगद, मोटरसाइकल, रक्सी बरामद गरेको छ।
घटनास्थललाई नियन्त्रणमा लिनको लागि बौद्ध प्रहरी, बानेश्वर प्रहरी र गौशालाबाट समेत प्रहरी परिचालन गरिएको थियो।
गोप्य सूचनाको आधारमा एक घरको तेस्रो तलामा राति ११ बजे जुवा खेलिरहेको अवस्थामा प्रहरीले छापा मारेको थियो । गेटमा ताला लगाएर जुवा खेलिरहेको अवस्थामा भेटिएको प्रहरीले जनाएको छ ।
प्रतिक्रिया