‘दर्पण छाया २’बाट स्टार को बन्लान् ?

रिलिजको केहि दिन अगाडि ‘दर्पण छाया २’को पत्रकार सम्मेलन आयोजना गर्दै यसको निर्माणपक्षले चलचित्रको बारेमा जानकारी दिएको छ । अमेरिकाबाट आएका चलचित्रका निर्माता रवि कार्की, सवु कार्की र नायिका साहारा कार्कीले चलचित्रको बारेमा जानकारी दिए ।

पत्रकार सम्मेलनमा चलचित्रका नायक पुष्पल, फिरोज, र नायिका श्रद्धाले पनि आफ्नो भूमिकाको बारेमा बोलेका थिए ।तुलसी घिमिरे निर्देशित यो चलचित्र फागुण २७ गतेबाट प्रदर्शनमा आउँदैछ ।
तुलसी घिमिरेले , चलचित्रमा संगीतको माध्यमबाट पुराना र नयाँ पुस्तालाई जोड्न खोजिएको बताए । यस्तै, निर्मात्री सवु कार्कीले चलचित्रको गुणस्तरियतामा संझौता नगरेको भन्दै ‘दर्पण छाया’को ब्रान्डलाई कमजोर हुन नदिएको सुनाइन् ।

कार्यक्रममा बोल्दै, नायक पुष्पलले ‘दर्पण छाया २’मा काम गर्न पाउनु आफ्ना लागि सुखद कुरा भएको बताए । यस्तै, नायिका साहारा कार्कीले यो चलचित्रमा आफूले शतप्रतिशत दिन खोजेको बताइन् ।

कार्यक्रममा बोल्दै, अर्की नायिका श्रद्धा प्रसाँइले चलचित्रमा आफ्नो बोल्ड भूमिका रहेको सुनाइन् ।

दर्पन छाया २ का टिम संग गरिएको रमाईलो कुराकानी हेर्नुस्

https://www.youtube.com/watch?v=fnR4grDRspY