दुई छोरा लाई झुण्ड्याएर आमा ले गरीनआत्महत्या

विराटनगर २५ ,भदौ । मोरङको बुढीगंगा गाउँपालिका की एक महिलाले दुई छोरालाई  पासो लगाएर झुन्ड्याएपछि आज आफूले पनि आत्महत्या गरेको खुलेको छ उनले  १० वर्षीय निशान यादव र ५ वर्षीय अमन लाई घरकै बलोमा डोरीको पासो लगाउँदै झुन्ड्याएपछि २९ वर्षीय कविता यादवले पनि झुन्डिएर आत्महत्या गरेको प्रहरीले जनाएको छ ।

मोरङ प्रहरी प्रमुख एसपी मनोजकुमार केसीका अनुसार दुबै छोरालाई डोरीको पासो लगाएर झुन्ड्याए पछि आमा आफूले पनि एक तले घरको बलोमा डोरीको पासो लगाएर झुन्डिएर आत्महत्या गरेको खुलेको हो,प्रहरी घटनास्थलमा पुग्दा विहान साढे १० बजे कान्छो छोरा अमन र आमाको शव घरको बलोमा झुन्डिएको अवस्थामा फेला परेको केसीको भनाइ छ ।जेठो छोरा निशानलाई झुन्ड्याएको डोरी भने छिनेका कारण उनी भने बाँच्न सफल भएको प्रहीले जनाएको छ । छोरालाई भने घाइते अवस्थामा प्रहरीले उपचारका लागि विराट नर्सिङ होममा लगेको छ । आमाले झुन्ड्याएका मध्ये कान्छो छोराको मृत्यु भए पनि डोरी छिनेका कारण जेठो छोरालाई भने घाइते अवस्थामा भेटिएको प्रहरीको भनाइ छ ।

स्थानीय बासिन्दाका अनुसार कविता का पति अमरलाल यादवको २वर्ष अघि नै निधन भइसकेको थियो । सोही घरमै बस्दै  कवितासंग केही समय देखि भारतको फारवेशगन्जका रामदेव झा बस्दै आएका थिए ।एसपी केसीले रामदेव भनिने व्यक्ति सम्पर्कमा नरहेको र उनको खोजी भइरहेको जानकारी दिनु भयो । उनलाई नियन्त्रणमा लिएपछि घटनाका बारेमा थप कुरा बाहिर आउने र घटनाका बारेमा पनि केही सुराक मिल्ने अपेक्षा प्रहरीले गरेको छ । उपचारका लागि नर्सिङ होम पुर्याएका १० वर्षीय बालक निशानले भने आमाले सुरुमा भाई र आफूलाई डोरीले घाँटीमा बाँधेर झुन्ड्याएपछि आफूले पनि डोरी लगाएर झुन्डिएको प्रहरीलाई बताएका छन् । मोरङ प्रहरीका प्रवक्ता डीएसपी निशान थापाका अनुसार बालकले आफूलाई झुन्ड्याउन साथ आमा पनि डोरी लगाएर झुन्डिएको बताएका छन् ।