नक्सा पास नगरी घर बनाउनुभएको छ ? छ भने महानगरमा निवेदन दिनुस्

शिखरन्युज, ९ असार – काठमाडौं महानगरभित्र तपाइँको नक्सा पास नगरी घर बनेको छ ? यदि छ भने चिन्ता नमान्नुस् काठमाडौँ महानगरपालिकाले नक्सा पास नभएका घर, भवनका पास गर्ने अवसरस्वरुप विशेष व्यवस्था शुरु गरेको छ ।

बनिसकेका तर नक्सा पास गर्ने प्रक्रिया नपुगेका निजी तथा सार्वजनिक भवनलाई नक्साअनुरुप बनाउन विशेष व्यवस्था ल्याएको कामपाले बताएको छ । महानगर इन्जिनियरका अनुसार धेरै घर नक्सा पास नगरी बनाइएका छन् । नक्सा पास नगरी बनाइएका घरमध्ये केही महानगरको नियमअनुरुप भएको र नक्सा पास नभएको भेटिएपछि व्यवस्था गरेको हो ।

नगरवासीका लागि घर बनाउने एउटा मौकाका रुपमा विशेष व्यवस्था ल्इाइएकोले मौकाको सदुपयोग गर्दै नक्सा पास गर्न आग्रह गरेको छ । नगरवासीको घर नक्साविहीन हुने भएकाले यस्तो व्यवस्था गरिएकाले एक महिनाभित्र नक्सा पास नभएका घरधनीले विवरणसहित महानगरपालिकामा निवेदन दिनुपर्नेछ ।

नगरवासीको सेवालाई मध्यनजर गर्दै कामपाले केही दिनअघि विवरणसहित निवेदन पेश गर्नका लागि ३५ दिने सूचना जारी गरिसकेको छ ।