नेपाललाई दुइओटा कंगारु

काठमाडौँ, १० असाेज ।अस्ट्रेलियाको न्यू साउथ वेल्स राज्यले नेपाललाई एक जोडी कंगारु उपहार दिने भएको छ । न्यू साउथ वेल्स राज्यको पहिलो औपचारिक भ्रमणमा निश्केका अस्ट्रेलियाका लागि नेपाली राजदूत लक्की शेर्पाको सो राज्यका गभर्नरसँगको भेटका क्रममा अष्ट्रेलियाले नेपाललाई उपहार स्वरुप कंगारु दिने घोषणा गरेको हो । दुईदिने औपचारिक भ्रमणमा निश्केकी शेर्पाले भ्रमणमा उक्त राज्यका न्यायालय प्रमुखसँग पनि भेट गरेकी थिइन् । उक्त भेटमा नेपालको न्यायिक निकायहरुसँग सहकार्य गर्ने सहमति भएको बताइएको छ ।

न्यू साउथ वेल्समा नेपालीहरुको संख्या बढेकोले सामुदायिक अनुदानहरु बढाउनु पर्ने, विद्यार्थीका समस्या तत्काल समाधान गर्ने, नेपाली समुदायलाई त्यहाँको बिशेष प्रतिष्ठानहरुमा सहभागी गराउनु पर्ने लगायतका विषयमासमेत सहमति भएको छ । नेपाल र अष्ट्रेलियाबीच कुटनैतिक सम्बन्ध स्थापित भएको ६० वर्षको अवसरमा २०२० मा नेपालबाट प्रधानमन्त्री स्तरको भ्रमण गराउने सोचाइ रहेको पाइएको बताइएको छ ।