नेपाली युवालाई विदेशी सेनामा भर्ती हुनबाट रोक्ने बाम गठबन्धनको प्रस्ताव

काठमाडौ, २३ वैशाख । नेकपा एमाले र नेकपा माओवादी केन्द्रले विदेशी सेनामा नेपाली युवाहरुलाई भर्ती हुनबाट रोक्ने प्रस्ताव गरेका छन् ।

ती दुई पार्टीका तर्फबाट तयार गरिएको सुशासन र आर्थिक समृद्धिका लागि बामगठबन्धनको कार्ययोजनामा नेपाली युवाहरुलाई विदेशी सेनामा भर्ती हुन रोक्ने प्रस्ताव गरिएको हो ।
एमाले उपाध्यक्ष बामदेव गौतमको संयोजकत्वमा गठित सो कार्यदलले प्रधानमन्त्री केपी शर्मा ओली र नेकपा माओवादी केन्द्रका अध्यक्ष पुष्पकमल दाहाल प्रचण्डलाई हस्तान्तरण गरिएको प्रतिवेदनमा नेपाली युवाहरुलाई विदेशी सेनामा भर्ती गराउने सन्धी तथा सम्झौता खारेज गर्न परराष्ट मन्त्रालयले पहल गर्ने उल्लेख छ ।

नेपाली नागरिकहरुलाई विदेशी सेनामा भर्ना हुने कार्यलाई बन्द गर्ने, नेपाली नागरिकले कुनै पनि देशको सेनामा भर्ती हुन नपाउने व्यवस्था गर्ने र नेपाली नागरिक विदेशी सेनामा भर्ना हुने पहिलेका सन्धी सम्झौता कुटनीतिक माध्यमबाट खारेज गर्ने नेता गौतमले बुझाएको प्रतिवेदनमा उल्लेख छ ।

भारतीय गोरखा सैनिक,आसाम राइफल्स, वेलायती सेना र सिंगापुर प्रहरीमा गरी करीव ४४ हजार नेपाली कार्यरत छन् ।

भारतीय सेनामा सात भारतीय गोरखा रेजिमेन्टस, ४० बटालियन र आसाम राइफल्स समेत गरी करीव ४० हजार नेपाली कार्यरत छन् । ती मध्ये ७० प्रतिशत नेपाली नागरिक रहेका छन् । सन १९४७ मा भएको भारत,नेपाल र वेलायत वीचको त्रिपक्षीय सम्झौता अनुसार वेलायतले भारतलाई चार गोरखा रेजिमेन्टस हस्तान्तरण गरेको थियो । करीव ८० हजार भारतीय पूर्व गोरखा सैनिक, १७ हजार आसाम राइफल्सका जवान र ११ हजार एकल महिलाले बार्षिक रुपमा करीव १२ अर्व भारतीय रुपैया पेन्सनका रुपमा प्राप्त गर्दै आएका छन् ।

करीव तीन हजार ६ सय नेपाली ब्रिटिश सेनामा र चार सय जना सिंगापुर प्रहरी बलमा कार्यरत छन् । वेलायती सेनाले आफनो संख्या घटाउने क्रममा नेपालीहरु पनि कटौतीमा पर्दै आएका छन् ।
नेपाल असंलग्न परराष्ट आन्दोलनको सदस्य हुनुको नाताले पनि नेपालीलाई विदेशी सेनामा भर्ती हुनबाट रोक्ने व्यवस्था गर्नु पर्ने बाम नेताहरुले बताउने गरेका छन ।

यसअघि संसदका समितिले पनि नेपालीलाई विदेशी सेनामा भर्ती हुनबाट रोक्नु पर्ने प्रस्ताव पारित गरेका थिए । सर्वोच्च अदालतले आठ बर्ष अघि सिंगापुर प्रहरीमा नेपालीलाई भर्ती गराउनु गैरकानुनी भएको ठहर गरेको थियो तर अदालतको त्यो आदेश पनि पालना भएको छैन ।

मिति : २०७५/०१/२३
प्रेस वक्तव्य

केही दिनयता राजनीतिक वृत्त र विभिन्न सञ्चार माध्यममा आएका पार्टीहरुको एकता, ध्रुविकरण र कार्यगत एकतासम्बन्धी सवालमा नयाँ शक्ति पार्टी, नेपालसँग जोडिएका विषय, जिज्ञासा र अस्पष्टताबारे पार्टीको यही वैशाख २१/२२ गते केन्द्रीय कार्यालय बबरमहलमा बसेको सचिवालय बैठकमा भएको निर्णयबमोजिम निम्न बिषयमा प्रष्ट पार्न चाहन्छौं–

१: नयाँ शक्ति पार्टी, नेपाल निश्चित युगिन वैचारिक, सैद्धान्तिक, राजनीतिक र कार्यक्रमिक आधारमा निर्माण भएको पार्टी हो । ‘समानुपातिक–समावेशी सहभागितामूलक लोकतन्त्र’ र ‘समुन्नत समाजवाद’लगायत ‘५ स’ मा आधारित अग्रगामी, लोकतान्त्रिक, क्रान्तिकारी र वैकल्पिक प्रगतिशील पार्टी निर्माण गर्ने उद्देश्यलाई हानी पुग्ने गरी नयाँ शक्ति पार्टी, नेपाल कुनै प्रकारको ध्रुविकरण, एकता वा विलयको प्रक्रियामा सामेल हुनेछैन । यसबारे कसैले कुनै आशंका गरिरहन आवश्यक नभएको प्रष्ट पार्दछौं ।

२: राजनीति एक गतिशील प्रक्रिया हो । राजनीतिक दल र नेतृत्वबीच भेटघाट र छलफल हुनु स्वभाविक कुरा नै हो । यसबीच नयाँ शक्ति पार्टीकै पहलकदमीमा विभिन्न पक्षहरुसँग छलफल र भेटघाट भएको हो । तर त्यसको उद्देश्य बृहत्तर राजनीतिक परिदृष्यमा राष्ट्रिय राजनीतिको भावी कार्यदिशालाई निर्धारण गर्न एकअर्कालाई मद्दत गर्नु थियो ।

३: दलहरुको संख्या धेरै भएर लोकतन्त्र बलियो हुने हैन । निश्चित वैचारिक धार र सवल संगठन भएका दलहरुबीचको स्वच्छ प्रतिस्पर्धाले मात्र लोकतन्त्र बलियो हुनसक्छ । यस अर्थमा नयाँ शक्ति पार्टी, नेपाल सबै पक्षहरुसँग राजनीतिक संवादका लागि तयार छ । तर वैकल्पिक, अग्रगामी, प्रगतिशील, क्रान्तिकारी, लोकतान्त्रिक, समाजवादी ‘तेस्रो धु्रव’ निर्माण गर्ने उद्देश्य त्यसको आधारभूत शर्त हो । तथाकथित पुँजीवादी वा साम्यवादी आवरणमा यो उद्देश्य परिपुर्ति नहुने यथार्थबारे नयाँ शक्ति पार्टी उत्तिकै प्रष्ट छ ।

४: मुद्दा वा एजेण्डा मिल्नेहरुसँग कार्यगत एकता, सहकार्य गर्ने र विचार, लक्ष्य, नीति, कार्यक्रम, शैली मिल्नेसँग एकता, ध्रुवीकरण गर्ने नयॉ शक्ति पार्टी, नेपालको स्पष्ट र घोषित नीति रहेको कुरा हामी पुनः जोड दिन चाहन्छौं ।

डम्बर खतिवडा (प्रवक्ता )

प्रशान्त सिंह ( प्रवक्ता)