पद्मरत्नकी श्रीमतीलाई प्रधानमन्त्रीको शोकसन्देश, राष्ट्रिय सम्मानका साथ आज अन्त्येष्टि गरिने

काठमाडौं । प्रधानमन्त्री केपी शर्मा ओलीले मानवअधिकारवादी नेता पद्मरत्न तुलाधरकी श्रीमतीको नाममा शोक सन्देश पठाएका छन् ।

त्यसैगरी हिजो आइतबार निधन भएका वामपन्थी नेता पद्मरत्नकी श्रीमती नीलशोभा तुलाधरलाई पत्र मार्फत शोक सन्देश पठाएका हुन् ।

प्रधानमन्त्री ओलीको सन्देशमा जेलमा आफूले सँगै बिताएका समयको आद आइरहेको शोक वक्तव्यमा उल्लेख गरेका छ्न । लामो समयदेखिका आफ्ना मित्रको निधनले निकै मर्माहत तुल्याएको बताएका छन् ।

प्रधानमन्त्री ओलीले तुलाधरसँग बिताएका क्षण सम्झँदै उनी एक सच्चा देशभक्त, लोकतन्त्रवादी, समानता, सामाजिक न्यायका पक्षधर, मानवअधिकारकावादी रहेको उल्लेख गरेका छन्। समवेदना सन्देश प्रधानमन्त्री पत्नी राधिका शाक्यले परिवारलार्इ दिएकी थिइन्।

निधन भएका तुलाधरलाई सरकारले सम्मानका साथ अन्त्येष्टि गर्ने भएको छ। सरकारले पद्ममरत्नलाई आज सोमबार सरकारका तर्फबाट सलामी अर्पण गर्नेछ ।

सरकारले राष्ट्रिय सम्मानका साथ अन्त्येष्टि गरिने प्रधानमन्त्रीका प्रेस सल्लाहकार कुन्दन अर्यालले बताएका छन् ।