पाेखरा प्रिमियर लिगलाई अाइसीसीकाे मान्यता, अायाेजकले २० हजार डरल बुझाउनुपर्ने !
सारांश
- काठमाडाैँ, २२ असाेज ।
- पोखरामा आयोजना हुन लागेकाे पोखरा प्रिमियर लिग क्रिकेट (पीपीएल)लाई अन्तर्राष्ट्रिय क्रिकेट परिषद् आइसीसीले मान्यता दिएको छ।
- आवश्यक प्रमाण बुझाएपछि आइसीसीले पीपीएललाई मान्यता दिएको हाे ।
काठमाडाैँ, २२ असाेज । पोखरामा आयोजना हुन लागेकाे पोखरा प्रिमियर लिग क्रिकेट (पीपीएल)लाई अन्तर्राष्ट्रिय क्रिकेट परिषद् आइसीसीले मान्यता दिएको छ। आवश्यक प्रमाण बुझाएपछि आइसीसीले पीपीएललाई मान्यता दिएको हाे । अब पीपीएलको आयोजकले आइसीसीलाई २० हजार अमेरिकी डलर बुझाउनुपर्नेछ।
आइसीसीको मान्यतासँगै पीपीपएलमा खेल्न विदेशी खेलाडीलाई समेत सजिलो हुने र सम्बन्धित देशबाट ‘एनओसी’ लिन खेलाडीहरुलाई सहज हुनेछ । कात्तिक ९ देखि २० गतेसम्म पोखरा क्रिकेट मैदानमा हुने पीपीएलमा नेपालको ६ सहरको नामबाट ६ फ्रेन्चाइज टाेलीले प्रतिस्पर्धा गर्नेछन्। प्रतियाेगिताका लागि मार्की खेलाडीको नाम सार्वजनिक र प्लेअर अक्सन सम्पन्न भइसकेको छ। अब सहभागी टिमले दुई स्थानिय खेलाडी र दुई विदेशी खेलाडीको कोटा पुरा गर्न बाँकी छ।
पीपीएलमा विराटनगर टाइटन्स, चितवन टाइगर्स, काठमाडौँ रोएल्स, पोखरा पल्टन, बुटवल ब्लास्टर्स र धनगढी ब्लुजले प्रतिस्पर्धा गर्नेछन्।
अरु घरेलु प्रतियाेगिता एभरेष्ट प्रिमियर लिग इपिएल र धनगढी प्रिमियर लिग डिपिएल लांई निकै रुचाइएपछि पाेखरा प्रिमियर लिगलाई पनि निकै चासाेका साथ हेरिएकाे छ । प्रतियाेगितामा हाल सम्म कै सबैभन्दा ठूलाे पुरस्कार राशी दिइने भनिएपनि रकम भने खुलाइएकाे छैन ।
प्रतिक्रिया