महाेत्तरीमा सर्पकाे अातंक

अस्बीन खडका, बर्दिवास, १५ साउन ।  महोत्तरी जिल्लाको बर्दिवास नगरपालिका–१ मा सर्पको टोकाइबाट एक बालकको ज्यान गएको छ । अर्का १ जनाको अवस्था गम्भीर छ ।

गोदावरी नगरपालिका–२ अत्तरिया घर भइ बर्दिवास नगरपालिकास्थित श्री सिदार्थ बोर्डिङ स्कुलमा यूकेजीअध्ययनरत ८ वर्षका दशरथ ऐरेको राती सर्पको टोकाइबाट मृत्यु भएको इलाका प्रहरी कार्यालय, बर्दिवासले जनाएको छ । सिद्धार्थ बोर्डिङ स्कुलको आवास क्षेत्रमा बस्दै आएका निज ऐरेलाई सुतेकै ठाँउमा सर्पले डसेको हो ।

सर्पको अर्का एक विद्यार्थीलाई पनि टोकेको छ । कक्षा ९ मा अध्ययनरत बर्दिवास १ निवासी आशीष ढकाललाई सर्पले टोकेको हो । उनको बर्दिबासस्थित सर्प दंश उपचार केन्द्रमा उपचार भइरहेको बर्दिवासका प्रहरी उपरीक्षक नकुल पोखरेलले जनाए ।

उक्त छात्रावासमा ४० भन्दा बढी विद्यार्थी बस्दै आएका छन् । केही दिन अघि बर्दिवासमा एकैदिन सर्पको टोकाइबाट ४ जनाको ज्यान गएको थियो,केही दिन यता वर्षाको कारण यस क्षेत्रमा बिसालु सर्पको बिगबिगी बढेको छ ।