मोरङमा निर्वाचनका लागि संयन्त्र गठन
सारांश
- विराटनगर, २ असार ।
- मोरङमा शान्तिपूर्ण ढङ्गले भयमुक्त वातावरणमा निर्वाचन सम्पन्न गर्नका लागि राजनीतिक संयन्त्र गठन गरिएको छ ।
- दोस्रो चरणको निर्वाचनअन्तर्गत असार १४ गते हुन गइरहेको निर्वाचनका लागि मुख्य निर्वाचन अधिकृतको कार्यालयमा बिहीबार मोरङका १३ दल सम्मिलित बंठकले सो संयन्त्र गठन गरेको हो ।
विराटनगर, २ असार । मोरङमा शान्तिपूर्ण ढङ्गले भयमुक्त वातावरणमा निर्वाचन सम्पन्न गर्नका लागि राजनीतिक संयन्त्र गठन गरिएको छ ।
दोस्रो चरणको निर्वाचनअन्तर्गत असार १४ गते हुन गइरहेको निर्वाचनका लागि मुख्य निर्वाचन अधिकृतको कार्यालयमा बिहीबार मोरङका १३ दल सम्मिलित बंठकले सो संयन्त्र गठन गरेको हो ।
सो संयन्त्रमा नेपाली काँग्रेस, नेकपा (एमाले), नेकपा (माओवादी केन्द्र), राप्रपा, सङ्घीय समाजवादी फोरम नेपाल, नेपाल लोकतान्त्रिक फोरमसहितका दलहरु सहभागी भएका थिए ।
मोरङका एक महानगरपालिका, आठ नगरपालिका र आठ गाउँपालिकाका ६६९ वटा मतदान केन्द्रमा कुनै प्रकारको समस्या आएमा त्यसलाई तत्काल समाधान गर्ने उद्देश्यले सो संयन्त्रको गठन गरिएको हो । यसका साथै, मतदान प्रक्रियालाई व्यवस्थित गर्न निर्वाचन कार्यालयसँग समन्वयसमेत गर्ने बताइएको छ ।
यसका साथै निर्वाचन आचारसंहितालाई समेत दलहरुले पालना गर्ने विषयमा पनि उक्त बैठकमा छलफल भएको थियो ।
सो अवसरमा मुख्य निर्वाचन अधिकृत विनोदकुमार पोखरेलले स्थानीय तहको निर्वाचनलाई मर्यादित बनाउनमा दलहरुको भूमिका महत्वपूर्ण रहेको बताउए । रासस
प्रतिक्रिया