म्यान्चेस्टर सिटीलाई अर्को सिजन च्याम्पियन्स लिग खेल्न प्रतिबन्ध !

काठमाडौं। इङलिस प्रिमियर लिग विजेता म्यान्चेस्टर सिटी अर्को सिजन च्याम्पियन्स लिग खेल्न नपाउने गरी प्रतिबन्धमा पर्ने खतरा बढेको छ । युइएफएका वित्तिय अनुसन्धानकर्ताहरुले एक साताभित्र सिटीलाई च्याम्पियन्स लिगमा प्रतिबन्ध लगाउनेबारे सिफरिससहित प्रक्रिया अगाडि बढाउने अपेक्षा गरिएको छ ।

युइएफएको क्लव वित्तिय जाँच इकाइका अध्यक्ष र मुख्य जाँचकर्ता यवस लेटर्मेको नेतृत्वमा अहिले टोलीले ६० मिलियन घोटाला काण्डमा प्राप्त प्रमाणहरुको जाँच गरिरहेका छन् । सिटीले गत सिजन प्रयोजकबाट आएको भन्दै ६० मिलियन पाउण्ड लिएको थियो तर यो रकम प्रायोजकबाट नभइ क्लवका अरबी मालिकले सिधै दिएको दावी गरिएको छ ।

यदि यो घोटाला प्रमाणित भएमा सिटीले अहिलेसम्मकै सबैभन्दा ठूलो कारवाही भोग्नुपर्नेछ । प्रमाणित भएका सिटी एक वर्षका लागि युइएफएका सबै प्रतियोगितामा प्रतिबन्धमा पर्नेछ । गत सिजन सिटीले रियाद महरेजलाई लिसेस्टर सिटीबाट ६० मिलियन पाउण्डमा ल्याएको थियो । यसको भुक्तानीको लागि प्रयोग गरिएको रकम अवैधानिक बाटोबाट आएको भन्दै सिटीविरुद्ध कारवाही प्रक्रिया अगाडि बढाइएको हो ।