रौतहट डुंगा दुर्घटना २१ जनाको उद्दार, ५ अझै बेपत्ता
सारांश
- काठमाडौं ।
- रौतहटको लालबकैया नदीमा शनिबार साँझ भएको डुंगा दुर्घटनामा हराएका २१ जना यात्रुको उद्दार गरिएको स्थानीय प्रशासनले जनाएको छ।
- डुंगामा २६ यात्रु सवार रहेका थिए।
काठमाडौं । रौतहटको लालबकैया नदीमा शनिबार साँझ भएको डुंगा दुर्घटनामा हराएका २१ जना यात्रुको उद्दार गरिएको स्थानीय प्रशासनले जनाएको छ। डुंगामा २६ यात्रु सवार रहेका थिए।
डुंगा दुर्घटनामा परी अझै ५ जना भने वेपत्ता छन्। स्थानीय प्रशासनका अनुसार बेपत्ता भएकाहरूको खोजी कार्य जारी रहेको छ। लालबकैया नदीमा आएको बाढीले डुंगा अनियन्त्रित भएर बनाउँदै गरेको पुलमा ठोक्किएपछि शनिबार साँझ दुर्घटनामा भएको थियो ।
हराएका मध्ये डुंगा सहचालक गौर नगरपालिका–४ का ओमप्रकाश चन्द्रबंशी, सोही ठाउँका ४० वर्षीया इन्दु देबी, ५० वर्षीया शान्ति देवी, इस्नाथ नगरपालिका औरेयाकी ४० वर्षीया रूना देबी र १० वर्षीया बालिका उषमा कुमारी पटेल रहेका प्रहरीले जनाएको छ।
हराएकाहरुको खोजीमा आज बिहानैदेखि नेपाली सेना, नेपाल प्रहरी, सशस्त्र प्रहरी र स्थानीय मिलेर खोजी कार्य जारी राखेका छन्।
कुल कमेन्ट:
0
Shikhar Khabar
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया