सडकको स्तरोन्नतिले मुसहर परिवार विस्थापित
सारांश
- महोत्तरी, १ मंसिर : माईस्थान–गौशाला–सम्सी रोड बन्न थालेपछि गौशाला नगरपालिका–४ मल्हिनियाँ पोखरीका दर्जनौँ मुसहर परिवार बेघरबार भएका छन् ।
- वर्षौंदेखि ऐलानी जग्गामा फुसको टहरा बनाएर बसोबास गर्दै आएका सातजनाको घर पूर्णरुपमा सडकमा परेपछि उनीहरु विस्थापित भएका हुन् ।
- त्यस्तै, एक दर्जनभन्दा बढी मुसहरको फुसको घर आंशिकरुपमा भत्काइएको छ ।
महोत्तरी, १ मंसिर : माईस्थान–गौशाला–सम्सी रोड बन्न थालेपछि गौशाला नगरपालिका–४ मल्हिनियाँ पोखरीका दर्जनौँ मुसहर परिवार बेघरबार भएका छन् ।
वर्षौंदेखि ऐलानी जग्गामा फुसको टहरा बनाएर बसोबास गर्दै आएका सातजनाको घर पूर्णरुपमा सडकमा परेपछि उनीहरु विस्थापित भएका हुन् ।
त्यस्तै, एक दर्जनभन्दा बढी मुसहरको फुसको घर आंशिकरुपमा भत्काइएको छ । सडक विभागले एकहप्ते सूचना प्रकाशन गरेपछि घर आफूहरुले नै भत्काएको रामकुमारी सदाले बताउनुभयो ।
आँगनबाट सवारीसाधन गुड्न थालेपछि असुरक्षित महसुस भएको लखियादेवी सदाले बताउनुभयो ।
एकसय पाँच फिट चौडाइको सडक बनेपछि मुसहरबस्ती नै धरापमा पर्ने सम्भावना बढेको स्थानीय बासिन्दा बताउँछन् ।
गौशाला नगरपालिकाको कार्यालयले तत्काल उनीहरुलाई राहत दिने तयारी गरेको नगरप्रमुख शिवनाथ महतोले बताउनुभयो ।
उहाँका अनुसार अहिले गौशाला नगरपालिकामा रहेको मुसहरहरुको संख्या यकिन गर्ने कार्य भइरहेको छ र चाँडै नै एकीकृत दलित बस्ती बनाउने नगरपालिकाको योजना छ ।
प्रतिक्रिया