साउदीमा मृत्युदण्ड पाएका यादवको ज्यान जोगाउन अञ्जुले गरिन् यस्तो उदघोष
सारांश
- काठमाडाै,१८ वैशाख ।
- पाकिस्तानी नागरिकको हत्या अभियोगमा साउदी अरबमा मृत्युदण्डको सजाय पाएका धनुषाका उमेश यादवको जीवन रक्षाका लागि राष्ट्रिय जनता पार्टी नेपालकी प्रदेशसभा सदस्य डाअन्जु यादवले आफ्नो एक महिनाको तलब दिने घोषणा गरेकी छन् ।
- पाकिस्तानी मृतकको परिवारलाई ब्लड मनी दिए उमेश यादवको सजाय माफगरी जीवन जोगाउन सकिने साउदी अरबको अदालतले फैसला सुनाएको छ ।
काठमाडाै,१८ वैशाख । पाकिस्तानी नागरिकको हत्या अभियोगमा साउदी अरबमा मृत्युदण्डको सजाय पाएका धनुषाका उमेश यादवको जीवन रक्षाका लागि राष्ट्रिय जनता पार्टी नेपालकी प्रदेशसभा सदस्य डाअन्जु यादवले आफ्नो एक महिनाको तलब दिने घोषणा गरेकी छन् ।
पाकिस्तानी मृतकको परिवारलाई ब्लड मनी दिए उमेश यादवको सजाय माफगरी जीवन जोगाउन सकिने साउदी अरबको अदालतले फैसला सुनाएको छ ।
सोही अनुरुप सामाजिक अभियन्ता सरोज रायले पाकिस्तानी पीडित परिवारसँग क्षमापत्र लिन पाकिस्तान पुगेका हुन् । उनले जनाएअनुसार पाकिस्तानी पीडित परिवारले पाकिस्तानी रुपैयाँ ३० लाख ब्लडमनी माग गरेको छ ।
उमेश यादवको ज्यान जोगाउन ब्लड मनीका लागि सरोज रायले सार्वजनिक रुपमा आह्वान गरेका थिए । सोही अनुरुप राजपाकी सांसद डा यादवले आफ्नो एक महिनाको तलब बराबरको रकम उमेश यादवको जीवन रक्षाका लागि दिने सामाजिक सञ्जालमार्फत् घोषणा गरेकी हुन् ।
उनले उमेश यादवको जीवन रक्षाका लागि सबैलाई सहयोग गर्न आहवान समेत गरेकी छन् । डा अन्जुले सबैले मिलेर सहयोग गरे ब्लडमनिको लागि अपुग रहेको रकम छिट्टै संकलन हुने बताउदै यादवको जीवन रक्षाका लागि सानो रकम भए पनि सामाजिक अभियान्ता सरोज राय मार्फत सहयोग गर्ने अनुरोध गरेकी छन् ।
प्रतिक्रिया
Justin Biral
? ℓσνє? тнє? ℓιfє? уσυ? ℓινє,? αи∂? ℓινє8-| тнє? ℓιfє? уσυ? ℓσνє
? CH BOTTERZ ? SURAJ-KING,TK ?