सुरु भयो बाबुराम–उपेन्द्र बीच द्वन्द, बाबुराम भन्छन् ‘सरकार छाडौँ’, उपेन्द्र भन्छन ‘अहिले होइन’
सारांश
- सत्तारुढ दल समाजवादी पार्टीभित्र अध्यक्ष उपेन्द्र यादव र संघीय परिषद अध्यक्ष डा.
- बाबुराम भट्टराईबीच द्वन्द्व सुरु भएको छ ।
- पार्टी एकतासँगै सरकारमा रहने कि नरहने भन्नेबारे उनीहरुबीच विवाद सुरु भएको थियो ।
सत्तारुढ दल समाजवादी पार्टीभित्र अध्यक्ष उपेन्द्र यादव र संघीय परिषद अध्यक्ष डा. बाबुराम भट्टराईबीच द्वन्द्व सुरु भएको छ । पार्टी एकतासँगै सरकारमा रहने कि नरहने भन्नेबारे उनीहरुबीच विवाद सुरु भएको थियो ।
समाजवादी पार्टी्निकट उच्च स्रोतले दिएको जानकारीअनुसार उपप्रधानमन्त्रीसमेत रहेका अध्यक्ष यादव भने कुनैपनि हालतमा अहिले सरकारबाट बाहिरिने पक्षमा छैनन् ।
तर, बाबुरामले भने तत्काल पार्टी सरकारबाट बाहिरिनुपर्ने दबाब दिँदै आएका छन् । स्रोतले भन्यो,‘संविधान संशोधन प्रस्ताव अघि नबढाएपनि उपेन्द्रजी तत्काल सरकारबाट बाहिरिने पक्षमा हुनुहुन्न, उहाँ सरकारले संविधान संशोधन प्रस्ताव अघि बढाउनेमा पूर्ण विश्वस्त हुनुहुन्छ ।’
तत्कालिन संघीय समाजवादी फोरम नेपाल संविधान संशोधन र मधेश आन्दोलनका मुद्दा सम्बोधन गर्ने शर्तमा दुई बुँदे सहमति गरेर सरकारमा सहभागी भएको थियो ।
प्रतिक्रिया