हेलिकप्टर दुर्घटनमा निधन भएका मन्त्री अधिकारीसहितलाई टुँलिखेलमा श्रद्धाञ्जलि सुरु
सारांश
- काठमाडौं।
- ताप्लेजुङमा बुधबार भएको हेलिकोप्टर दुर्घटनामा परी निधन भएका पर्यटनमन्त्री रवीन्द्र अधिकारीसहित ७ जनालाई टुँडिखेलमा राखेर श्रद्धाञ्जलि दिइँदै छ।
- मन्त्री अधिकारीसहित सातै जनालाई राष्ट्रपति विद्यादेवी भण्डारी, उपराष्ट्रपति नन्दबहादुर पुन, प्रधानमन्त्री केपी ओली, उपप्रधानमन्त्री, मन्त्रीलगायतले अन्तिम श्रद्धान्जलि दिएका थिए।
काठमाडौं। ताप्लेजुङमा बुधबार भएको हेलिकोप्टर दुर्घटनामा परी निधन भएका पर्यटनमन्त्री रवीन्द्र अधिकारीसहित ७ जनालाई टुँडिखेलमा राखेर श्रद्धाञ्जलि दिइँदै छ।
मन्त्री अधिकारीसहित सातै जनालाई राष्ट्रपति विद्यादेवी भण्डारी, उपराष्ट्रपति नन्दबहादुर पुन, प्रधानमन्त्री केपी ओली, उपप्रधानमन्त्री, मन्त्रीलगायतले अन्तिम श्रद्धान्जलि दिएका थिए।
बिहीबार श्रद्धाञ्जली कार्यक्रम राखिए पनि सबैको शव पहिचान हुन नसकेपछि शुक्रबार बिहानका लागि श्रद्धाञ्जली कार्यक्रम राखिएको हो । श्रद्धाञ्जलीका लागि टुँडिखेलमा टेन्ट राखेर पार्थिव शरीर राख्ने स्थान सजाइएको छ ।
शव जलेर नचिनिने भएको र टुक्रा टुक्रा शवलाई एन्टीमार्टममा ढिलाई हुने भएकाले बिहीवार अपरान्ह ३ बजे टुँडिखेलमा दिने भनिएको सो सम्मान शुक्रबार सारिएको थियो।
मन्त्री अधिकारीको शवलाई शुक्रवार विहान ८ बजेदेखि ११ बजेसम्म सैनिक मञ्च टुँडिखेलमा राखिने मन्त्री अधिकारीको सचिवालयले जनाएको छ । उनको शवको सद्गद् उनकै गृह जिल्ला कास्की (पोखरा) मा गर्ने बताइएको छ । ११ बजेपछि सेनाको हेलिकप्टरबाट पोखरा लगी अपराह्न्न शव यात्रापछि वेलुका अन्तेष्टि गर्ने जनाइएको छ ।
उक्त दुर्घटनामा यती एयरलाइन्सका प्रबन्ध निर्देशक आङछिरङ शेर्पा, नागरिक उड्डयन प्राधिकरणका उपमहानिर्देशक वीरेन्द्रप्रसाद श्रेष्ठ, प्रधानमन्त्री कार्यालयका उपसचिव युवराज दाहाल, प्राधिकरणका इन्जिनियर ध्रुवदास भोछिभोया, मन्त्री अधिकारीका अंगरक्षक नेपाली सेनाका जमदार अर्जुनकुमार घिमिरे र हेलिकप्टरका पाइलट प्रभाकर केसीको मृत्यु भएको थियो ।
कुल कमेन्ट:
0
Shikhar Khabar
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया