६५ प्रतिशत जनता स्वास्थ्य सेवाको पहुँच बाहिर

चैत २४, काठमाण्डौ । नेपालको स्वास्थ्य सेवाको पहुँच दुर दराजसम्म पुग्न सकेको छैन । सरकारले स्वास्थ्यसम्बन्धी विभिन्न कार्यक्रम ल्याए पनि जनतामाझ त्यसले प्रभावकारि भूमिका खेल्न सकेको छैन । सरकाभरले स्वास्थ्यसँग सम्बन्धित कार्यक्रम र दिवसहरु औपचारिक रुपमा मनाउने गरे पनि सबै जनतालाई सहज रुपमा स्वास्थ्य सेवा दिन भने सकेको छैन ।

विश्व स्वास्थ्य संगठनको अगुवाइमा प्रत्येक वर्ष अप्रिल ७ तारिखका दिन विश्व स्वास्थ्य दिवस मनाइँदै आइएको छ । आइतबार ‘स्वास्थ्य सेवामा सर्वव्यापी पहुँच, सबैका लागि स्वास्थ्य’ मूल नाराका साथ यो दिवस मनायो ।

सरकारी निकायहरुले धुमधामसँग यो दिवस मनाए पनि स्वास्थ्य सेवा सहज र सुलभ बनाउने विषयमा भने ध्यान जान सकेको पाइदैन । नेपालमा संचालित स्वास्थ्य संस्थाहरु सेवामुलकभन्दा बढि नाफामुलक हुँदा उपचार महङ्गो हुने गरेको छ । स्वास्थ्यसेवालाई नजिकबाट हेरिरहेका जनता सरकारले पूरा गर्ने औपचारिकताबाट सन्तुष्ट छैनन् ।

ग्रामिण भेगमा न स्वास्थ्य संस्था छ न चिकित्सक नै । औषधिको अभावसमेत झेल्नुपरेको अवस्था छ । तर सरकारले यस विषयमा चासो दिन नसकेको सर्वसाधारणको गुनासो छ ।

सरकारी निकायका अधिकारीहरु भने पछिल्लो समय औषधिउपचारको पहुँच बढ्दै गएको दावी गर्छन् । राट्रिय स्वास्थ्य सुचना तथा सञ्चार केन्द्रका निर्देशक डा.सुनिराज शर्माले दिवसलाई औपचारिकतामा मात्रै सिमित नराखी सेवा प्रवाहलाई पनि ध्यान दिइएको जिकिर गरे ।

नेपालको संविधानले पनि स्वास्थ्यलाई मौलिक हकका रूपमा स्वीकार गरिसकेको छ । तर संविधानमा भएको कुरा व्यवहारमा छैन । ‘स्वास्थ्य सेवामा सर्वव्यापी पहुँच, सबैका लागि स्वास्थ्य’ यस वर्षको नारा दिइएपनि नेपालमा अझैं ६५ प्रतिशत मानिस स्वास्थ्य सेवाको सहज पहुँचमा छैनन् ।

(https://rentalsfloridakeys.com)