महेन्द्रनगरमा प्रहरी बाट गोली चल्यो, सात घाइते

काठमाडौं ७ भदौ । महेन्द्रनगरमा आन्दोलन उग्र बन्दै गएपछि प्रहरीले गोली चलाएको छ। गोली लागेर सातजना घाइते भएका छन्। प्रहरीले जिल्ला ट्राफिक प्रहरी कार्यालय अगाडि गोली चलाएको हो।गोली चल्दा सात जना घाइते भएका छन् ।

 एकजनाको टाउकोमा चोट लागेको छ भने अर्का एकजनाको खुट्टामा चोट लागेको छ ।प्रहरीको गोली लागेर घाइते हुनेहरुमा तीर्थ पनेरु, अर्जुन भण्डारा, सन्तोष कडरिया र तेज भट्ट लगायतका रहेका छन् । घाइतेहरुलाई महाकाली अञ्चल अस्पताल भर्ना गरिएको छ ।

१३ वर्षाीया बालिका निर्मला पन्तको बलात्कार पछि हत्या आरोपमा एकजना मानसिक सन्तुलन ठिक नभएका युवालार्इ प्रहरीले सार्वजनिक गरेपछि आन्दोलन सुरु भएको थियो ।

 बिहीबार जिल्ला प्रशासन कार्यालय अगाडि भएको प्रदर्शनमा प्रहरीले सुरुमा अश्रुग्यास चलाएको र पछि गोली हानेको स्थानीयले बताएका छन्। प्रहरीले गोली प्रहारको घटनाबारे केही बोलेको छैन। एसपी र सिडिओको सरुवा गरी घटनाको फेरि अनुसन्धान गर्नुपर्ने स्थानीयको माग छ।