मङ्गलादेवीलाई सम्झँदै कांग्रेसका महिलाले खोजे ३३ प्रतिशत भाग
सारांश
- काठमाडौँ ।
- नेपाली कांग्रेस सम्बद्ध महिलाहरुले पार्टीभित्र वडादेखि केन्द्रसम्म ३३ प्रतिशत आफूहरुको भाग खोजेका छन् ।
- नेपाली काङ्ग्रेसको भ्रातृ संस्था नेपाल महिला सङ्घले पार्टीले महिलालाई वडा तहदेखि केन्द्रसम्म ३३ प्रतिशत अधिकार दिन माग गरेको हो ।
काठमाडौँ । नेपाली कांग्रेस सम्बद्ध महिलाहरुले पार्टीभित्र वडादेखि केन्द्रसम्म ३३ प्रतिशत आफूहरुको भाग खोजेका छन् । नेपाली काङ्ग्रेसको भ्रातृ संस्था नेपाल महिला सङ्घले पार्टीले महिलालाई वडा तहदेखि केन्द्रसम्म ३३ प्रतिशत अधिकार दिन माग गरेको हो ।
संघकी संस्थापक अध्यक्ष स्व मङ्गलादेवी सिंहको २२औँ स्मृति दिवसका अवसरमा आयोजित कार्यक्रमका वक्ताले ३३ प्रतिशत महिला अधिकार सुनिश्चित गर्नुपर्ने माग गरेका हुन् ।
कार्यक्रममा नेपाली काङ्ग्रेसका नेता प्रकाशमान सिंहले विधान संशोधनमा महिलाको अधिकारलाई सम्बोधन गर्न दबाब दिनुपर्ने बताए । “महिलाको हकअधिकारका लागि तपाईहरु सङ्गठित भएर अगाडि बढ्नुहोस्, म तपाईहरुको साथमा छु”, उनले भने । नेता सिंहले नेपालका महिलालाई पुरुषसरह पु(याउन मङ्गलादेवीको ठूलो योगदान रहेको उल्लेख गरे ।
कार्यक्रममा महिला नेतृहरुले महिला अझसम्म सुरक्षित हुन नसकेको भन्दै महिला अधिकारका लागि लड्नुपर्ने बेला आएको बताएका छन् । दिनदिनै महिला बलात्कार भइरहेको बताउँदै त्यसका विरुद्ध एक भएर लड्नुपर्नेमा जोड दिए ।
काङ्ग्रेसले महिलालाई वडादेखि केन्द्रसम्म ३३ प्रतिशत अधिकार सुनिश्चित गर्ने गरी विधान संशोधन गर्नसमेत महिलाहरुको माग गरेका छन् ।
प्रतिक्रिया