न्यूजिल्याण्डमा कसरी मरे १४५ ह्वेल ?

न्यूजिल्याण्डको स्ट्युअर्ट आइल्याण्डको समुद्री तटमा झण्डै १४५ वटा पाइलट ह्वेल मरेका छन् । शनिबार पदयात्रीहरुले मेसन बेमा अलपत्र परेका ह्वेललाई पहिलोपक देखेका थिए । पदयात्रीले खबर गरे पछि पुगेका अधिकारकर्मीका अनुसार उनीहरु पुग्दासम्म आधाभन्दा बढि ह्वेल मरिसकेका थिए । त्यस्तै बाँकी अन्य ह्वेलहरुलाई पनि बचाउन मुस्किल भएपछि मारिएको थियो ।

अघिल्लो सप्तान्हमा पनि अर्को छुट्टै घटनामा १२ पिग्मी ह्वेल र एउटा स्पर्म ह्वेल न्यूजिल्याण्डको समुद्री तटमा आएर अलपत्र परेका थिए । ती अलपत्र परेका ह्वेलमध्ये ४ वटा मरेको र बाँकीलाई उपचार गरेर समुद्रमै फकाईने बताइएको छ ।

संरक्षण विभागका अनुसार प्रत्येक वर्ष झण्डै ८५ वटा यस्ता घटना हुन्छन् । धेरैजसो घटनामा ह्वेलको बथान नभएर एउटा ह्वेलमात्रै समुद्री किनारमा आएर अलपत्र पर्ने गरेको पाइन्छ ।

किन अलपत्र पर्छन् ह्वेल ?
ह्वेल र डल्फिन कसरी अलपत्र पर्छन् भन्ने पूर्ण रूपमा बुझ्न नसकिएको संरक्षण विभागले जनाएको छ । तर बिरामी पर्नु, यात्रा गर्दा दिशा ठम्याउन नसक्नु, समुद्री छालको प्रभाव र सिकारी जीवको लखेटाइमा पर्नुलाई ह्वेल वा डल्फिन यसरी अलपत्र पर्ने सम्भावित कारण मानिएको छ ।

शनिवार बिहान नर्थ आइल्यान्डको तटमा एउटा १५ मिटर लामो स्पर्म ह्वेल मृतावस्थामा भेटिएको थियो ।

(Ambien)