थप दुई दिन लम्बियो कांग्रेस महासमिति बैठक, विधान संसोधन प्रस्ताव भोली मात्रै पेश हुने
सारांश
- काठमाडौं, ४ पुस ।
- नेपाली कांग्रेसको काठमाडौंमा जारी महासमिति बैठकमा विधान संशोधनको प्रस्ताव भोली मात्रै पेस हुने भएको छ ।
- विधान प्रस्ताव पेस भएपछि भोलीबाटै प्रस्तावमाथि छलफल प्रारम्भ हुने पार्टी प्रवक्ता विश्वप्रकाश शर्माले जानकारी दिए ।
काठमाडौं, ४ पुस । नेपाली कांग्रेसको काठमाडौंमा जारी महासमिति बैठकमा विधान संशोधनको प्रस्ताव भोली मात्रै पेस हुने भएको छ । विधान प्रस्ताव पेस भएपछि भोलीबाटै प्रस्तावमाथि छलफल प्रारम्भ हुने पार्टी प्रवक्ता विश्वप्रकाश शर्माले जानकारी दिए ।
प्रवक्ता शर्माका अनुसार आजको केन्द्रीय समितिको बैठकले विधान मस्यौदालाई अन्तिम टुंगोमा पु¥याउने र बैठकले विधान पारित गरेपछि छपाइका लागि प्रेसमा पठाईनेछ । छापिएर आएपछि भोलि महासमितिमा पेस गरेर र विधान प्रस्तावमाथि छलफल सुरु हुने उनले बताए ।
कांग्रेसको महासमिति बैठक भोलीबाट पार्टी केन्द्रीय कार्यालय सानोपामा बस्ने र बैठक पुस ६ गते अपरान्हसम्म चल्ने पार्टी प्रवक्ता शर्माले जानकारी दिए । यसअघि मंसिर २९ गते उद्घाटन भएको कांग्रेस महासमिति बैठक पुस ४ गते समापन हुने कार्यक्रम थियो ।
सभापति शेरबहादुर देउवा र बरिष्ठ नेता रामचन्द्र पौडेल पक्षबीच विधानमा सहमति जुट्न ढिलाइ हुँदा महासमिति बैठक लम्बिएको हो । पुस १ गतेबाट सुरु भएको महासमितिको बन्द सत्रमा अहिलेसम्म १४७ जना महासमिति सदस्यहरुले विधान प्रस्ताव बाहेकका प्रतिवेदनहरुमा केन्द्रित रहेर धारणा राखिसकेका छन् ।
प्रतिक्रिया