अनलाइनमा क्यूट बेबी कन्टेष्ट, फूलपातीमा फाइनल

पछिल्लो समय अनलाइनमार्फत विभिन्न प्रतियोगिता सञ्चालन हुँदै आएका छन् । यस्तै एउटा प्रतियोगिता हो क्यूट बेबी कन्टेष्ट । फेसबुक पेजमार्फत आयोजना गरिएको यो प्रतियोगितामा करिब २ दर्जन २ वर्षमुनिका बालबालिका बीच प्रतिष्पर्धा हुने आयोजक संस्था आर्ट बक्स बबलका प्रमोद बंसलले बताए ।

यो प्रतियोगितामा सहभागि बालबालिकाहरुको फोटो सुरुमा आयोजकको Art BOX Bubble नामको फेसबुक पेजमा राखिन्छ । यसरी फेसबुकमा राखिएको फोटोमा जसले बढि लाइक पाउँछ त्यही नै विजयी हुने प्रावधान रहेको छ । प्रतिष्पर्धामा विजयी हुने बालबालिकाले विभिन्न उपहार पाउनेछन् ।

प्रतियोगितामा सहभागि भई आफुले मन पराएको बालबालिकालाई जिताउन चाहनेले आयोजकको फेसबुक पेजलाई लाइक गरेर त्यहाँ राखिएका फोटोहरुमध्ये आफुले रुचाएको बालबालिकाको फोटोलाई लाइक गर्नु पर्छ । पेजमा लाइक नगरी फोटोमा मात्रै लाइक गरिए उक्त लाइक काउण्ट नगरिने आयोजकले जानकारी दिएको छ । प्रतियोगिताको फाइनल बडादशैको फूलपातीमा हुनेछ ।

प्रतियोगितालाई नाइस बेबी फिडिङ बोटल, अल्ट्रा कम्फ्याक्ट वाइप्स र हिमालयन बेबीले स्पोन्सर गरेको कार्यक्रमको डिजाइनर दुहबी सुनसरीको बिके कम्युनिकेसन हो ।