एकवर्षपछि गौचन र तिवारी हत्याका सुटर पक्रिए
सारांश
- काठमाडौं ।
- एक वर्षअघि मारिएका निर्माण व्यवसायी महासंघका अध्यक्ष सरदकुमार गौचन र युवा संघका नेता दुर्गा तिवारीको हत्यामा संलग्न तीन जनालाई प्रहरीले पक्रेको छ ।
- २०७४ असोज २३ गते दिउसो गौचनलाई बानेश्वरमा गोली हानी हत्या गरिएको थियो ।
काठमाडौं । एक वर्षअघि मारिएका निर्माण व्यवसायी महासंघका अध्यक्ष सरदकुमार गौचन र युवा संघका नेता दुर्गा तिवारीको हत्यामा संलग्न तीन जनालाई प्रहरीले पक्रेको छ ।
२०७४ असोज २३ गते दिउसो गौचनलाई बानेश्वरमा गोली हानी हत्या गरिएको थियो । हत्यामा संलग्न भएको भन्दै महानगरीय अपराध महाशाखाले झापाका लोप्साङ भन्ने सोम तामाङ, काठमाडौंका रोशन बुढाथोकी, उदयपुरका अम्बरबहादुर रानालाई पक्रेको हो । प्रहरीले झापाको सीमानाबाट राना, लोप्साङ र बुढाथोकीलाई पक्रेको हो ।
लामा र गौचनको सुटर राना तीनवर्षअघि इलामबाट भागेका नेपाली सेनाका सिपाही हुन् । पक्राउ परेका तीनजना कारागारमा रहेका समिरमानसिंह बस्नेत, प्रहरी मुठभेडमा मारिएका मनोज पुनको निर्देशनमा काम गरी ज्यान मान उद्योगमा रहेको प्रहरीको दाबी छ ।
महाशाखाले युवा संघ रुपन्देहीका अध्यक्ष दुर्गा तिवारी र गौचन हत्यामा संलग्नलाई पक्राउ गरेको बताएको छ । पत्रकार सम्मेलनमा महाशाखाका प्रमुख धीरजप्रताप सिंहले गौचन हत्याका सुटरको रुपमा अम्बरबहादुर राना, तिवारीको हत्याको सुटरका रुपमा लोप्साङ रहेको अनुसन्धानमा खुलेको दाबी गरे ।
२०७३ सालको चैतमा बौद्धको दिव्य पार्टी प्यालेसको जिम क्लवअघि दावा लामालाई गोली हान्ने अम्बरबहादुर राना रहेको अनुसन्धानमा खुलेको उनले बताए ।
प्रतिक्रिया