तरकारी र फलफूल खेतीका लागि प्रख्यात कपुरकोटमा दुई स्थानीय सरकारका प्रमुख
सारांश
- सल्यान, ५ भदौ ।
- दाङको तुलसीपुर उपमहानगरपालिकाका प्रमुख घनश्याम पाण्डे र सल्यानको कपुरकोट गाउँपालिकाका अध्यक्ष भीमबहादुर सेनबीच तरकारी र फलफूल खेतीका लागि प्रख्यात कपुरकोटमा छलफल भएको छ ।
- विश्वव्यापी परिवर्तन अनुसन्धान संस्थानका प्रतिनिधि, पत्रकारसहित कपुरकोटमा कृषि तथा वातावरणबारे यी दुई स्थानीय सरकार प्रमुखहरुले छलफल गरेका हुन् ।
सल्यान, ५ भदौ । दाङको तुलसीपुर उपमहानगरपालिकाका प्रमुख घनश्याम पाण्डे र सल्यानको कपुरकोट गाउँपालिकाका अध्यक्ष भीमबहादुर सेनबीच तरकारी र फलफूल खेतीका लागि प्रख्यात कपुरकोटमा छलफल भएको छ । विश्वव्यापी परिवर्तन अनुसन्धान संस्थानका प्रतिनिधि, पत्रकारसहित कपुरकोटमा कृषि तथा वातावरणबारे यी दुई स्थानीय सरकार प्रमुखहरुले छलफल गरेका हुन् ।
दुई स्थानीय सरकारका प्रमुखहरुले खासगरी कपुरकोटको तरकारी, अदुवा, कृषि उपज संकलन केन्द्र, सहकारी संस्थाको अवलोकन र विविध जानकारीहरु पनि थिएका थिए । कपुरकोटमा रहेका विविध सम्भावनाहरुलाइ कसरी सफलतामा परिवर्तन गर्न सकिन्छ भन्ने बारेमा विश्वव्यापी परिवर्तन अनुसन्धान संस्थानका पाभेल काड्लिनसहित पाण्डे र सेनले महत्वपूर्ण छलफल गरेको कपुरकोट गाउँपालिका अध्यक्षको सचिवालयले जानकारी दिएको छ ।
तरकारी तथा फलफूल खेतीका लागि कपुरकोट प्रख्यात छ । सहकारीको माध्यमबाट विभिन्न क्रियाकलापहरु सञ्चालन गरेर किसानको आयस्तर निकै माथि उठाउन सकिने भन्दै तुलसीपुर नगरपालिकाका प्रमुख पाण्डेले कपुरकोट गाउँपालिकासँग निरन्तर सहकार्य गर्दै अगाडि बढ्ने बताएका थिए ।
यस्तै कपुरकोट गाउँपालिकाका अध्यक्ष सेनले तरकारी, अदुवा खेतीलाई व्यवसायिक बनाउन, गुणस्तरीय उत्पादनलाई बढावा दिन स्थानीय सरकारले कस्तो खालको भूमिका निभाउन सक्छ भन्ने बारेमा छलफल भएको जानकारी दिए । टोलीले अदुवा बाली अनुसन्धान कार्यक्रम कपुरकोटमा पुगेर अदुवा खेती प्रविधि, यसको बजार, प्रशोधन र अब यस क्षेत्रमा ल्याउनुपर्ने योजना तथा कार्यक्रम बारेमा पनि जानकारी लिएको थियो । अदुवा बाली अनुसन्धानका प्रमोद वाग्लेले अनुसन्धान कार्यक्रमले हालसम्म हासिल गरेका सफलता, पत्ता लगाएका प्रविधिका बारेमा अवगत गराएका थिए । 
प्रतिक्रिया