तलब बढेन, भत्ता बढ्यो, तलब आयोग गठन हुने , कार र बाइकमा कर बढ्यो !

काठमाडाै, १५ जेठ । सरकारले राष्ट्रसेवक कर्मचारीको भत्ता थप गरेको छ। आर्थिक वर्ष २०७५/७६ को बजेटमा कर्मचारीको भत्ता २ हजार थप भएको हो।

यसैगरी कर्मचारीको बीमा रकम २ लाख पु¥याएको छ। यो बीमामध्ये ५० प्रतिशत सरकार र ५० प्रतिशत कर्मचारीले व्यहोर्नुपर्नेछ।

कर्मचारीको तलब सुविधा अवलोकन गर्न एक तलब आयोग गठन गरिने अर्थमन्त्री डा।युवराज खतिवडाले जनाए।

कर्मचारीको तलबमा बजेट मौन

आगामी आवको कर्मचारीको तलव वृद्धि गर्ने वा नगर्ने भन्ने विषयमा बजेट मौन बनेको छ। कर्मचारीको तलव व्यवस्थापन गर्न सरकारले आगामाी आवमा तलव आयोग गठन गर्ने भएको हो।

सकारले निजी प्रयोजनका ठूला सीसीको सवारीमा सवारीको इन्जिन क्षमताअनुसार अन्तःशुल्क कर बढाएको छ । अब नेपालमा ठूला सीसीका कार तथा मोटरसाइकल महंगिनेछन् । नयाँ बजेटमार्फत १००० सीसी भन्दा ठूला सवारीमा कर बढाइएको छ । सरकारले १२५० सीसीभन्दा बढीका मोटरसाइकलमा पनि अन्तःशूल्क बढाएको छ ।

सरकारले आयात नियन्त्रणको लागि विभिन्न नयाँ नीतिगत तथा करको संरचनागत परिवर्तन गर्ने संकेत यसअघि नै गरिसकेको थियो । अर्थमन्त्री डा. युवराज खतिवडाले पटक-पटक अनुत्पादक क्षेत्रमा हुने लगानीलाई निरुत्साहित गर्ने योजना सरकारले ल्याउने बताउँदै आएका थिए ।