नेपाली कांग्रेसको महासमिति आजपनि जारी
सारांश
- काठमाडौं, १ पुस ।
- नेपाली कांग्रेसको महासमिति बैठक आजपनि जारी रहेको छ ।
- हिजोबाट राजधानीमा शुरु बैठकमा आज विभिन्न प्रतिवेदन पेश हुँदैछन् ।
काठमाडौं, १ पुस । नेपाली कांग्रेसको महासमिति बैठक आजपनि जारी रहेको छ । हिजोबाट राजधानीमा शुरु बैठकमा आज विभिन्न प्रतिवेदन पेश हुँदैछन् । विधान मस्यौदामा सहमति जुटाउन नसकेको कांग्रेसले महासमिति मार्फत् एकताको सन्देश दिने तयारी गरेको छ । विधान मस्यौदामा सहमति जुटाउनुपूर्व आर्थिक, राजनैतिक र लेखा प्रतिवेदनमाथि छलफल गरिँदैछ ।
महासमिति बैठकमा संघीय संरचना अनुकुल विधान पेश गर्न मंसिर ९ गतेदेखि बसेको केन्द्रीय कार्यसमिति बैठकले सहमति जुटाउन सकेन । आजपनि शीर्ष नेताहरुबीच अनौपचारिक छलफलका माध्यमबाट विधानमा सहमति जुटाउने प्रयास गरिने कांग्रेस केन्द्रीय सदस्य एनपी साउँदले बताए ।
उनले कांग्रेसले महासमिति मार्फत् नेता, कार्यकर्तामा एकताको सन्देश प्रवाह गर्न खोजेको बताए । हिजोको उद्घाटन सत्रमा बोल्ने अधिकांश केन्द्रीय सदस्यहरुले व्यक्तिवादी चिन्तनबाट मुक्त भइ पार्टीमा साझा धारणाको विकास गर्नुपर्ने औल्याएका थिए ।
महासमितिमा सहभागि हुन ७७ जिल्लाका सदस्यहरु काठमाडौंमा भेला भएका छन् । बैठक पर्सिसम्म चल्नेछ ।
प्रतिक्रिया