यि हुन प्रेस काउन्सिलले कालोसूचीमा राखेका २७ वटा सञ्चारमाध्यमहरू !
सारांश
- काठमाडौँ, १५ जेठ।
- प्रेस काउन्सिल नेपालले २७ वटा सञ्चारमाध्यम स्वतः अवज्ञाकारीको सूचीमा राखेको छ।
- प्रेस काउन्सिल नेपालले २०७५ जेठ १४ गते जारी गरेको प्रेस विज्ञप्तिमा भनिएको छ ”मर्यादित, अनुशासित, जिम्मेवार एवम् उत्तरदायी पत्रकारिताका लागि प्रतिवद्ध रहन पत्रकार र सञ्चारमाध्यमलाई समय–समयमा घच्घच्याइरहेको विषय यहाँहरू सबैलाई विदितै छ ।
काठमाडौँ, १५ जेठ। प्रेस काउन्सिल नेपालले २७ वटा सञ्चारमाध्यम स्वतः अवज्ञाकारीको सूचीमा राखेको छ।
प्रेस काउन्सिल नेपालले २०७५ जेठ १४ गते जारी गरेको प्रेस विज्ञप्तिमा भनिएको छ ”मर्यादित, अनुशासित, जिम्मेवार एवम् उत्तरदायी पत्रकारिताका लागि प्रतिवद्ध रहन पत्रकार र सञ्चारमाध्यमलाई समय–समयमा घच्घच्याइरहेको विषय यहाँहरू सबैलाई विदितै छ । यसका लागि काउन्सिलले पत्रकार आचारसंहिता पालना सम्बन्धमा अनुगमन गर्दै आइरहेको छ ।
छापा र विद्यूतीय आचारसंहिता अनुगमन शाखा संरचना खडा गरी अनुगमन कार्यलाई प्रभावकारी बनाइदैँ आएको छ ।”
”पत्रकार आचारसंहिता उल्लङ्घनसम्बन्धी उजूरी र स्वअनुगमनबाट पत्ता लागेका आचारसंहिता उल्लङ्घनका विषयमा सुनुवाई र छानबीन गरी बैठकसमेतबाट आवश्यक निर्णय लिन काउन्सिलका अध्यक्षकोे संयोजकत्वमा छापामाध्यम र विद्युतीय सञ्चारमाध्यम आचारसंहिता अनुगमन उपसमिति गठन गरिएको छ । यी छुट्टाछुट्टै उपसमितिमा नेपाल वार एशोसिएसनका प्रतिनिधिसमेत रहने व्यवस्था छ ।”
”पत्रकार आचारसंहिता–२०७३ अनुसार आचारसंहिता पालना नगरेको पाइएको अवस्थामा कारबाही र निर्णय गर्ने विभिन्न प्रक्रियाहरू रहेका छन् । आचारसंहिता पालनाका लागि काउन्सिलले पटक–पटक गरेको निर्णय वा निर्देशन अवज्ञा गर्ने सञ्चारमाध्यम पत्रकार आचारसंहिता–२०७३ को दफा ७ (ज) बमोजिम स्वतः अवज्ञाकारीको सूची (BLACK-LIST) मा पर्दछन् । दफा ७ (ज) मा उल्लेख गरिएको छ : काउन्सिलको निर्णय वा निर्देशन अवज्ञा गर्ने पत्रकार वा सञ्चारमाध्यमप्रति खेद प्रकट गर्ने, अवज्ञाकारीको सूचीमा राख्ने र पटक–पटक गरिएका कारबाहीको विवरण तत्काल वा आवश्यकताअनुसार सार्वजनिक गर्ने ।’
यही प्रावधानअनुसार २०७४ साल साउन १ गतेदेखि २०७५ जेठ ९ गतेसम्म देहायबमोजिमका २७ वटा सञ्चारमाध्यम स्वतः अवज्ञाकारीको सूची (BLACK-LIST) मा परेका छन्। ” प्रेस काउन्सिल नेपालले जारी गरेको प्रेस विज्ञप्तिमा भनिएको छ।
प्रतिक्रिया