राप्रपा प्रजातान्त्रिकबाट को–को बन्दै मन्त्री ? भोलि साढे ११ बजे सपथ

काठमाडौं । प्रधानमन्त्री शेरबहादुर देउवाले मन्त्रिमण्डलाई थप विस्तार गर्ने भएका छन् । बालुवाटार स्रोतका अनुसार प्रधानमन्त्री देउवाले राष्ट्रिय प्रजातन्त्र पार्टीबाट छुट्टिएर बनेको पशुपति शमशेर नेतृत्वको राप्रपा प्रजातान्त्रिकलाई सरकारमा सहभागि गराउने भएका हुन् ।

सोमबार बिहान साढे ११ बजे नयाँ मन्त्रीको सपथ कार्यक्रम राखिएको प्रधानमन्त्री कार्यालय बालुवाटारले जानकारी दिएको छ ।

राप्रपा प्रजातान्त्रिकबाट सरकारमा पहिलो चरणमा तीन मन्त्री जानेछन् । राप्रपा प्रजातान्त्रिकको आइतबार बसेको बैठकले सरकारमा सहभागि हुने तीन जनाको नाम पनि टुंगो लगाएको छ ।

राप्रपा प्रजातान्त्रिकले संसदीय दलको नेतामा आइतबार मात्र चयन भएका महामन्त्री दीपक बोहरालाई विज्ञान तथा प्रविधि मन्त्रालय, विक्रम पाण्डेलाई वन मन्त्रालय र उद्योग मन्त्रालयमा सुनील थापालाई पठाउने निर्णय गरेको छ । यसैगरी उद्योग राज्यमन्त्रीमा रेशम लामालाई पठाउने निर्णय गरेको छ ।