सरुवामा पर्दा आक्रोशित भए यी उपसचिव, मेरो असिस्टेन्टलाई कार केपी ओलीले किन्देको हो ?

काठमाडौं– सरुवामा परेको झोँकमा एक कर्मचारीले प्रधानमन्त्री र श्रम तथा रोजगार तथा सामाजिक सुरक्षामन्त्रीलाई खुलेआम चुनौति दिएका छन् ।
श्रम तथा रोजगार कार्यालय विराटनगरमा कार्यरत उपसचिव प्रेम सञ्जेलले आफूलाई बिना कारण सरुवा गरिएको भन्दै प्रधानमन्त्री केपी ओली र मन्त्री गोकर्ण विष्टसमेतलाई चुनौति दिँदै आफूलाई चित्तबुझदो जवाफ दिनुपर्ने माग गरेका हुन् ।

सीप विकास कार्यालय इटहरीमा सरुवा भएपछि पत्रकार नै सम्मेलन गरेर उनले आफूलाई घुस्याहा चरित्र भएकाहरुको प्रभावमा परेर सरुवा गरिएको आरोप लगाए ।

‘मेरो घरमा साइकल छैन । मेरो असिस्टेन्टको कार कहाँबाट आयो ?’ आक्रोशित हुँदै पत्रकार सम्मेलनमा उनले भने, ‘केपी ओलीले किन्देको हो ? गोकर्ण विष्टले किन्देको हो ? मेरो सचिव महेश दाहालले किन्देको हो ?अनि मलाई सरुवा गरेको हो ? मलाई त्यसको थाहा चाहियो ।’

उनले आफूले घुसखोर र कामजोर कर्मचारीका साथै नेतादेखि व्यवसायीसम्मको हितमा काम नगर्दा सरुवा परेको पनि दाबी गरे ।   निमविपरित गरिएको सरुवा विरुद्ध अदालतमा जाने उनको भनाई छ ।