स्रष्टा पुरु लम्सालका दुई वृत्तचित्र अमेरिकाको चलचित्र महोत्सवमा
सारांश
- काठमाडौं ।
- अमेरिकाको ज्याक्सनमा हुन लागेको चलचित्र महोत्सवमा नुवाकोटका स्रष्टा पुरू लम्सालको लेखन तथा निर्देशन रहेका दुई वृत्तचित्र छनोटमा परेका छन् ।
- अमेरिकाको ज्याक्सनमा आयोजना हुने चलचित्र महोत्सवमा पुरू लम्सालको लेखन र निर्देशनमा रहेको वृत्तचित्र ‘गोरु पर्व’ र नुवाकोटकै प्रसिद्ध दुप्चेश्वरको जात्रामा आधारित वृत्तचित्र ‘आस्थाको ढुंगा’ अफिसियल छनोटमा परेका हुन् ।
काठमाडौं । अमेरिकाको ज्याक्सनमा हुन लागेको चलचित्र महोत्सवमा नुवाकोटका स्रष्टा पुरू लम्सालको लेखन तथा निर्देशन रहेका दुई वृत्तचित्र छनोटमा परेका छन् ।
अमेरिकाको ज्याक्सनमा आयोजना हुने चलचित्र महोत्सवमा पुरू लम्सालको लेखन र निर्देशनमा रहेको वृत्तचित्र ‘गोरु पर्व’ र नुवाकोटकै प्रसिद्ध दुप्चेश्वरको जात्रामा आधारित वृत्तचित्र ‘आस्थाको ढुंगा’ अफिसियल छनोटमा परेका हुन् । यसअघि महोत्सवमा एउटै लेखकका दुईवटा वृत्तचित्र छनोटमा परेको थिएनन् । यो पहिलो हो ।
सिने मेकर्स प्रालिले यी दुईवटै वृत्तचित्र निर्माण गरेको हो । गोरु पर्वको निर्माता केपी पाठक र निरञ्जन सिग्देल शर्मा हुन् भने आस्थाको ढुंगाको निर्माता रसिक पाठक र सुशीलसिंह ठकुरी रहेका छन् ।
‘गोरु पर्व’को छायांकन रमेश धमला र ज्योति सिंहले गरेका छन् भने सम्पादन लव प्याकुरेलले गरेका हुन् । यस्तै ‘आस्थाको ढुंगा’को छायांकन रमेश धमला र वैकुण्ठ गौतमले गरेका छन् भने सम्पादन आशिष डंगोल र शिव पुरीले गरेका हुन् ।
पुरु लम्साल मूलत लेखक, नाट्यकर्मी तथा निर्देशक हुन् । उनका नाटक, कविता र गजल सहित लगभग एक दर्जन पुस्तक प्रकाशित छन् । साथै आधा दर्जन वृत्तचित्रकाे लेखन नर्देशन गरिसकेका छन् । लम्सालकाे कवि तथा गीतकार हरिभक्त कटुवाल माथी निर्मित वृत्तचित्र अनि हरिभक्त फर्किएनन् बहुचर्चित वृत्तचित्र हाे । लम्साल नेपाल सङ्गीत तथा नाट्य प्रज्ञा प्रतिष्ठनका प्राज्ञ समेत हुन् ।
प्रतिक्रिया