हलिउडमा किन मच्चिदैछ यौन दुव्र्यवहारको वितण्डा ?

हलिउड अभिनेत्री उमा थरमनले सन् १९९० को दशकमा चलचित्र निर्देशक हार्भी वाइनस्टिनले आफूमाथि यौन दुब्र्यवहार गरेको आरोप लगाएकी छिन् । दर्जनौँ महिलाहरुले वाइनस्टिनमाथि यौन दुव्र्ययवहारदेखि बलात्कारसम्मको आरोप लगाइरहेको समयमा पछिल्लो पटक अभिनेत्री थरमनको पनि यस्तो दावी आएको हो । अमेरिकी सञ्चारमाध्यमसँग कुरा गर्दै अभिनेत्री थरमनले सन् १९९४ मा ’पल्प फिक्सन’ चलचित्र सार्वजनिक भएपछि लन्डनको एउटा होटलमा वाइनस्टिनले आफूमाथि दुव्र्यवहार गरेको बताएकी हुन ।

४७ वर्षीया अभिनेत्रीले किशोरी हुँदा उनलाई आफूभन्दा २० वर्ष जेठा अभिनेताले यौन सम्बन्धका लागि बाध्य बनाएको उल्लेख गरेकी छन् । गएको नोभेम्बरमा उनले सार्वजनिक रुपमै वाइनस्टिनमाथि आक्रोश व्यक्त गरेकी थिइन् । तर उनले वाइनस्टिटनमाथि कुनै विशेष आरोप भने लगाएकी थिइनन् । तर वाइनस्टिनकी एक प्रवक्ताले थरमनले गरेको दावी सत्य नभएको जनाएकी छिन् । २५ वर्षपछि थरमनले आफूमाथि आरोप लगाउँदा वाइनस्टिन दुःखी र अचम्मित भएको प्रवक्ताले जारी गरेको विज्ञप्तिमा उल्लेख गरिएको छ ।