प्रचण्डले पनि गरे देउवाको विरोध
सारांश
- काठमाडौं ।
- संविधान संशोधनको बारेमा प्रधानमन्त्री शेर बहादुर देउवाले दिएको अभिव्यक्ति थप विवादमा परेको छ ।
- सत्तासाझेदार नेकपा माओवादी केन्द्रका अध्यक्ष पुष्पकमल दाहाल प्रचण्डले समेत देउवाको विरोध गरेका छन् ।
काठमाडौं । संविधान संशोधनको बारेमा प्रधानमन्त्री शेर बहादुर देउवाले दिएको अभिव्यक्ति थप विवादमा परेको छ । सत्तासाझेदार नेकपा माओवादी केन्द्रका अध्यक्ष पुष्पकमल दाहाल प्रचण्डले समेत देउवाको विरोध गरेका छन् ।
विधान संशोधन नेपालको आन्तरिक विषय भएकाले त्यसविषयमा देउवाले भारतमा गएर कुरा गर्नु आबश्यक नभएको उले बताएका छन् ।
माओवादी केन्द्र प्रदेश नं. ६ को प्रशिक्षण कार्यक्रमका लागि सुर्खेत पुगेका प्रचण्डले भारत भ्रमणमा रहेका प्रधानमन्त्री देउवाले भारतीय समकक्षी नरेन्द्र मोदीसँग चुनावपछि संविधान संशोधनमा लैजाने भन्ने भनाइप्रति संकेत गर्दै यस्तो प्रतिक्रिया दिएका हुन् । ‘संविधान संशोधन नेपालको आन्तरिक विषय हो’, उनले भने, ‘यसबारे अरु कसैसँग कुरा गर्न पनि आवश्यक छैन ।’
कार्यक्रममा उनले प्रत्यक्ष कार्यकारी राष्ट्रपतिले मात्रै देशलाई स्थिरता दिने बताए । माओवादी केन्द्रले प्रत्यक्ष निर्वा्चित राष्ट्रपतिका लागि अभियान चलाउने जानकारी दिए ।
प्रतिक्रिया