मेडिकल माफियालाई धुलो चटाउने विप्लव पुत्रको चेतावनी

मेडिकल शिक्षाको सुधारको माग गर्दै आन्दोलनमा उत्रिएका विद्यार्थीको नेतृत्व गर्दै विद्रोही नेपाल कम्युनिष्ट पार्टीका नेता नेत्रविक्रम चन्द विप्लवपुत्र प्रकाश चन्द ठकुरी अगाडि बढेका छन् । उनले मंगलबार माइतीघर मण्डलमा आयोजित विरोध कार्यक्रममा बोल्दै मेडिकल माफियालाई धुलो चटाउने चेतावनी दिए ।

प्रकाशले भने, ‘मेडिकल माफियालाई धुलो चटाउछौं ।’ उनले देशमा मेडिकल माफियालाई सरकारले साथ दिइरहेको भन्दै आन्दोलनले अझ सशक्त रुप लिने चेतावनी दिए । प्रकाशले मेडिकल माफियाले मनोमानी गर्दा पनि राज्य मौन रहेको भन्दै प्रश्न गरे ।

प्रकाशले मेडिकल शिक्षा सुधारको माग गर्दै डडेल्धुराबाट आन्दोलन शुरु गरेका डा. गोविन्द केसीको समर्थन गरे । जायज माग राखेर गरिएको आन्दोलनमा आफूहरुको समर्थन रहने प्रकाशको भनाई थियो ।

पेशाले चिकित्सक समेत रहेका विप्लव मेडिकल शिक्षामा सुधारमा लागेका छन् । उनले मेडिकल शिक्षासम्वद्ध शैक्षिक संस्थाले जथाभावी शुल्क असुलेको भन्दै फिर्ताको माग राख्दै आएका छन् ।