गुगल म्यापमा सगरमाथा नेपाल बाहिर
सारांश
- चिनियाँ सञ्चारमाध्यमले विश्वको सर्वोच्च शिखर ‘सगरमाथा चीनमा पर्छ’ भनी प्रचार गरेलगत्तै गुगलको नक्शामा सगरमाथा चीनतर्फ देखिएको छ ।
- गुगलको नक्शामा सगरमाथा नेपालबाट हटाइएको छ ।
- चुचुरो चीनतर्फ स्पष्ट देखाइएको छ ।
चिनियाँ सञ्चारमाध्यमले विश्वको सर्वोच्च शिखर ‘सगरमाथा चीनमा पर्छ’ भनी प्रचार गरेलगत्तै गुगलको नक्शामा सगरमाथा चीनतर्फ देखिएको छ । गुगलको नक्शामा सगरमाथा नेपालबाट हटाइएको छ । चुचुरो चीनतर्फ स्पष्ट देखाइएको छ ।
गुगलको नक्शामा माउन्ट एभरेष्ट खोजेर हेर्नुहोस्, यसको संकेत चीनतर्फ देखाउँछ । सगरमाथा नेपालको भुभागबाट हटेर चीनतर्फ देखिनुलाई गम्भीर रुपमा लिइएको छ । गुगल म्याप्स विश्वमै नक्शाको जानकारी पाउने र धेरैले खोज्ने माध्यम हो ।
यसअघि चीनको राष्ट्रिय टेलिभिजन चाइना ग्लोबल टेलिभिजन नेटवर्कले सगरमाथा चीनमा पर्छ भनी प्रचार गरेको थियो । ट्वीटर पेजमा यसलाई राखेपछि सर्वत्र आलोचना भएको हो । लगत्तै उक्त टेलिभिजनले ट्वीटर पेजबाट सच्याएर चीन(नेपाल सीमामा पर्छ भनी उल्लेख गरेको थियो । वास्तवमा सगरमाथा नेपालमा पर्छ । चीनले विस्तारै यसमा दाबी गर्ने योजना बनाएको संकेतहरु देखिनथालेको छ ।
२ मे मा चीनको राष्ट्रिय टेलिभिजन चाइना ग्लोबल टेलिभिजन नेटवर्कले आधिकारिक ट्वीटर पेजमा चोमोलोङमाको चुचुरो माथि देखिएको विशेष किसिमको सुर्यको अदभुत घेरा भनी तस्बिर राखेको थियो । जसमा विश्वको सर्वोच्च शिखर माउन्ट एभरेष्ट चीनमा पर्छ भनिएको थियो । चाइना ग्लोबल टेलिभिजन नेटवर्क चीन सरकारको आधिकारिक टेलिभिजन हो । यो विश्व परिवेशमा चीनको आधिकारिक धारणा र समाचार प्रसारण र प्रकाशन गर्छ ।
चीनले सगरमाथामा बाटो बनाउने देखि उचाई नाप्ने सम्मका गतिविधि अगाडि बढाएको छ । उसले सगरमाथाको चुचुरोसम्म पुग्ने बाटो बनाउने मिसनलाई गति दिदै निर्माण सामाग्री समेत लगिरेहेको छ ।
चिनियाँ पत्रिका चाइना डेलीको अनलाइन संस्करणले बाटो निर्माण टोलीले काम गर्ने भन्दै तस्बिरसहित समाचार प्रकाशित गरेको थियो । आइतबार ६५०० मिटर उचाईबाट बाटो निर्माण र सामान ढुवानीको टोली ७०२८ मिटरमा अवस्थित क्याम्पमा पुगेको उल्लेख छ ।
चीनले ३० अप्रिलबाट सगरमाथाको उचाई नाप्न नयाँ चरणको कामा शुरु गरेको थियो । उसले सगरमाथालाई चोमोलोङमा भन्ने गरेको छ । यसअघि सन् १९७५ मा नाप्दा सगरमाथाको उचाई ८८८४.१३ मिटर निस्किएको थियो । सन् २००५ मा नाप्दा ८८४४.४३ मिटर निस्कएको थियो । तर, विश्वले चीनको सगरमाथा नापेर निस्किएको नापलाई मान्यता दिएको छैन ।
यसैगरी चीनले सगरमाथामा फाइभ जी स्टेशन स्थापना गरेको छ । तिब्बतर्फ स्टेशन राखेपनि यसको प्रभाव सगरमाथाको चुचुरोसम्म रहने चिनियाँ सञ्चारमाध्यमले जनाएका छन् ।
प्रतिक्रिया